تەندروستی لەبەرژەوەندی هاووڵاتییانی کوردستان بڕیارێکی دەرکرد
تەندروستی هەولێر لەبەرژەوەندی هاووڵاتییانی کوردستان بڕیارێکی دەرکرد و کارێکی نایاسایی راگیرا.
️دكتۆر دلۆڤان محه‌مه‌د، به‌ڕێوه‌به‌ری گشتی ته‌ندروستی هەولێر رایگەیاند :” بەم دواییانە بۆمان دەركەوتووە، بڕێک پارە لە نەخۆشخانە تایبەتەكان لە هاووڵاتییان وەردەگرێت، ئێمە دوای ئەوەی بە بابەتەكەمان زانی، راستەوخۆ بە نووسراوی فەرمی نەخۆشخانەكانمان ئاگادار كردەوە.”
گوتیشی:” نەخۆشخانە تایبەتەكان لە بەرامبەر پێدانی بەڵگەنامەی لەدایكبوون، بڕەپارەیەكی جیاوازیان لە هاووڵاتیان وەرگرتووە كە لەنێوان 20 بۆ 50 هەزار دیناردایە، ئەوەش كارێكی نایاساییە و بڕیارمان دا رابگیرێت.”
لە نووسراوێكدا، به‌ڕێوه‌به‌رایەتیی گشتیی ته‌ندروستیی هه‌ولێر كە لە 12ی11ی2024 دەریكردووە، هەموو نەخۆشخانە ئەهلییەكانی پارێزگای هەولێری ئاگادار كردووەتەوە “هیچ بڕەپارەیەك بە ناوی پێدانی بەڵگەنامەی لەدایكبوون لە كەس وەرنەگیرێت.”
