بانکێکی دیکەی عێراقی هاتە نێو پرۆژەی “هەژماری من” و چەندین خزمەتگوزاری پێشکەش دەکات
بانكی گه‌شه‌پێدانی نێوده‌وڵه‌تی ده‌رگاكانی خۆی کردەوە بۆ به نیشتمانیكردنی مووچه‌ی فه‌رمانبه‌رانی هه‌رێمی كوردستان.
بانكی گه‌شه‌پێدانی نێوده‌وڵه‌تی رایگەیاند، بەهاوکاری حکومەتی هەرێمی کوردستان، ده‌رگاكانی به‌ڕووی فه‌رمانبه‌رانی هه‌رێمی كوردستاندا كردووه‌ته‌وه، بۆ ئه‌وه‌ی ده‌ست به به‌نیشتمانی (ته‌وتین)ی مووچه‌كانیان بكه‌ن، له چوارچێوه‌ی پڕۆژه‌ی “هه‌ژماری من”.
دوو لقی بانكه‌كه له هه‌ولێر هه‌یه، لقێك له سلێمانی و دهۆكیش له قۆناغی كردنه‌وه‌دایه، هه‌روه‌ها ئامێری ATM كه سه‌رجه‌م پارێزگاكانی هه‌رێم ده‌گرێته‌وه و هه‌موو خزمه‌تگوزارییه بانكییه‌كان بۆ مووچه‌خۆران دابین ده‌كات، له‌وانه‌ش قه‌رزی كه‌سی، پاره‌داركردنی پڕۆژه بچووكه‌كان، هه‌روه‌ها كارتی بانكی كه وا ده‌كات خاوه‌نه‌كانیان له هه‌موو وڵاتانی دنیا توانای به‌كارهێنانیان هه‌بێت، به نرخی فه‌رمی بانكی ناوه‌ندی عێراقی و هه‌موو جۆره‌كانی هه‌ژمار و خزمه‌تگوزارییه‌كانی بانكی دیجیتاڵی وه‌ك ئه‌پڵیكه‌یشنی مۆبایله زیره‌كه‌كان.
بانكی گه‌شه‌پێدانی نێوده‌وڵه‌تی به‌رده‌وامه له پێشكه‌شكردنی خزمه‌تگوزارییه‌كانی و فراوانكردنی چالاكییه بانكییه‌كانی.
پڕۆژه‌ی هه‌ژماری من له‌لایه‌ن نووسینگه‌ی سه‌رۆك وه‌زیرانی كوردستان بۆ به‌ئه‌لیكترۆنیكردنی مووچه‌ی فه‌رمانبه‌ران جێبه‌جێ ده‌كرێت و ئێستا له قۆناغی فراوانبووندایه.
