غه‌فور مه‌خمووری:پێویست ئاڵای عێراق له سه‌رتاسه‌ری كوردستان دابگرین و هه‌ر ئێستا بڕیاری سه‌ربه‌خۆی و جیابوونه‌وه بده‌ین.
خواكوڕك
سکرتێری گشتیی یەکێتیی نەتەوەیی دیموکراتی کوردستان ڕایده‌گه‌ێنێت”ده‌بێت كورد خاوه‌ن بڕیار و چاره‌نووسی خۆی بێت، ناشكرێ ئیمه كات به فیرۆ بده‌ین،بۆیه له ئێستاوه ئێمه له‌گه‌ڵ ئه‌وه‌ین له عێراق جیاببینه‌وه و خه‌ڵكی كوردستان بڕیاری یه‌كلاكه‌ره‌وه‌ی خۆی بدات.
(غەفوور مەخمووری)، سکرتێری گشتیی یەکێتیی نەتەوەییی دیموکراتی کوردستان ڕاگەیاندوه” ئه‌بێت ئه‌وه بزانین مانه‌وه له‌گه‌ڵ عێراق هیچ سودێك به ئیمه ناگه‌ێنێت وه‌كو كورد،چونكه ئێمه هه‌میشه ویستوومانه دۆست بین به‌ڵام ئه‌وان نایانه‌وێ، به درێژی مێژوو كه پیویستیان پێمان بووبێ دۆشتمان بوون، كه به‌هێز بن دژمانن، بۆیه گرنگه نوێنه‌رانی كورد له به‌غدا بگه‌رێنه‌وه و ئیدی كاتی هاتووه، چونكه به دڵنیایه‌وه له به‌غدا هیچیان پێ ناكرێ و هیچیش له‌گه‌ڵ ئه‌م عه‌قڵیه‌ته ناكرێ كه سه‌ركردایه‌تی عێراق ده‌كه‌ن، بۆیه گرنگترین بڕیار كشانه‌وه‌ی كۆی كورده له پڕۆسه‌ی سیاسی عێراق له سه‌رۆك كۆمار تا بچووكترین فه‌رمانبه‌ر.
مه‌خمووری زیاتر گوتویه‌تی”داوا ده‌كه‌ین بڕیاری داگرتنی ئاڵای عێراق بدرێت له سه‌رتاسه‌ری هه‌رێمی كوردستان، له‌به‌ر ئه‌وه‌ی به‌درێژای مێشژوو ئیمه له سایه‌یی ئه‌و ئاڵایه چه‌وساوینه‌ته‌وه و زۆڵم و سته‌ممان لێ كراوه، بۆیه هێنانه خواره‌وه‌ی ئاڵای عێرا كارێكی نیشتیمانیه و وه‌ڵامێكه بۆ بڕیاره‌كه‌ی په‌رله‌مانی عێراق،په‌یامێكیشه بۆ دونیا كه ئێمه خاوه‌ن بڕیار و ئیراده‌ی خۆمانین، بۆیه پێویسته چاوه‌ڕی نه‌بین و ده‌ستپێ بكه‌ین، بۆیه ناكری چیدی له چوارچێوه‌ی عێراق بژین، كێشه‌كانی ئیمه و به‌غدا هه‌رگیز چاره‌سه‌ر نابن.
