سەرۆک بارزانی پیرۆزبایی جەژنی ڕۆژیی ئێزی دەکات
سەرۆک بارزانی، بەبۆنەی جەژنی ڕۆژیی ئێزی، پیرۆزبایی لە ئێزدیانی کوردستان و جیهان دەکات و هیوا خوازە، ئەو جەژنە ببێتە دەستپێکی نوێی ئارامی و بەختەوەری بۆ ئێزدیانی کوردستان و جیهان.
دەقی پەیامەکەی سەرۆک بارزانی :
ب ناڤی خودێ مەزن و دلۆڤان
ب هەلكەفتا جەژنا رۆژیێن ئێزی پیرۆزباهیەكا گەرم ل خوشك و برایێت ئێزیدی ل كوردستانێ و هەمی جیهانێ دكەم، هیڤیدارم ئەڤ جەژنە ببیتە دەستپێكەكا تازە بۆ ئارامی و بەختەوەرییا تەڤایا خوشك و برایێت ئێزیدی. هەر ب ڤێ هەلكەفتا پیرۆز جەختێ ل برایەتی و بەرفرەكرنا فەرهەنگا پێكڤەژیان و ئاشتیخوازیێ دناڤبەرا هەمی پێكهاتێت ئایینی و نەتەوەیی یێت كوردستانێ و دەڤەرێ دكەین. جەژنا هەوە پیرۆز بیت و بمینن ب خێر و خۆشی.
