ئەمڕۆ دوایین بڕە پارەی گەنمی ئەمساڵی جووتیاران دابەش دەكرێت

ئەمڕۆ دوایین بڕە پارەی گەنمی ئەمساڵی جووتیاران لە هەولێر و دهۆك و كۆیە و قوشتەپە دابەش دەكرێت

سایلۆی هەولێر بڵاوی كردەوە: ” ئەمڕۆ یەکشەممە 2024/12/22، ئەو جووتیارانەی لە زنجیرە چوارهەزار و 376 ، تاوەكو سێ هەزارو 500 ، کە گەنمەکانیان رادەستی سایلۆی هەولێر کردووە لە سایلۆی هەولێر چەک وەردەگرن.”

ئاماژە بەوەش كراوە، لە سایلۆی قوشتەپە ئەمڕۆ دابەشکردنی چەکی جووتیاران لە زنجیرە هەزار و 470 تاوەكوو زنجیرە هەزار و 575، كە گەنمەکانیان رادەستی سایلۆی قوشتەپە کردوە لە سایلۆی قوشتەپە چەک وەردەگرن.

هەروەها لە راگەیاندراوەكە ئاماژە بەوە كراوە، ئاگاداری جووتیارانی شاری کۆیە دەکەینەوە ئەمڕۆ یەکشەممە 2024/12/22 دابەشکردنی چەکی جووتیاران دەست پێدەکات لە زنجیرە 468 تاوەكوو 600 كە گەنمەکانیان رادەستی گۆرەپانی کۆیە کردووە لە سایلۆی قوشتەپە چەک وەردەگرن و پارەکانیان لە بانکی بەحرکە وەردەگیرێت.”

هاوکات سایلۆی شێخانیش رایگەیاند :” ئەمڕۆ دابەشکردنی چەک بەسەر ئەو جووتیارانە دەستپێدەکات کە لە 14 ی 7 ی 2024 گەنمیان رادەستی سایلۆی شێخان کردووە.

بەپێی زانیارییەکان لەم هەفتەیەدا چەك و پارەی گەنمی جووتیاران لە پارێزگای سلێمانییش دەست بە دابەشكردنی دەكرێت.