سکاڵاکانی وەزارەتی نەوتی عێراق لە دژی گرێبەستەکانی نەوتی هەرێمی کوردستان رەتکرانەوە
دوای تۆمارکردنی سکاڵا لەلایەن وەزارەتی نەوتی عێراقی، لەدژی گرێبەستەکانی کۆمپانیا بیانییەکان لەگەڵ هەرێمی کوردستان بە فەرمی دادگەی پێداچوونەوەی کەرخ، رەتیکردەوە و لەبەرژەوەندی کۆمپانیاکانی بڕیاریدا
بڕیارەکانی دادگە کە لە 18ـی کانوونی یەکەمی 2024 دەرچوون، سکاڵاکانی وەزارەتی نەوتیان لە دژی 9 کۆمپانیای نەوت رەتکردووەتەوە، وەزارەکە داوای کردبوو، گرێبەستی ئەو 9 کۆمپانیایە لەگەڵ هەرێمی کوردستان هەڵبووەشێندرێنەوە کە پێکدێن لە ئاداکس، دانا گاز، دی ئێن ئۆ، گازپرۆم نەفت، گەنەل ئینێرجی، گەڵف کیستۆن، ئێچ کەی ئێن ئینێرجی، شامەران و وێستێرن زاگرۆس.
هەروەها بەپێی بڕیارەکان، گرێبەستەکان “بە دروست دادەنرێن، تەنانەت ئەگەر گرێبەستەکان پشت بە بنەمای یاسایی ببەستن، کە دادگای باڵای فیدراڵی عێراق لە شوباتی 2022 دا بە نادەستووری دایناوە.
