بە فەرمانی مەسرور بارزانی گەورەپڕۆژەی ئاوی گۆپتەپە – چەمچەماڵ كەوتووەتە واری جێبەجێكردنەوە و كاركردن تێیدا بەردەوامە

وەزارەتی شارەوانی رایدەگەیێنێت ، لەسەر فەرمانی سەرۆکوەزیران مەسرور بارزانی، گەورەپڕۆژەی ئاوی گۆپتەپە – چەمچەماڵ دروست دەكرێت و كە كاركردن تێیدا بەردەوامە.

لە راگەیاندراوێکدا وەزارەتی شارەوانی و گەشتوگوزاریی حكومەتی هەرێمی كوردستان بڵاوی كردەوە “بەپێی ئەو پلانەی بۆی دانراوە، كاركردن لە گەورەپڕۆژەی ئاوی گۆپتەپە – چەمچەماڵ بەردەوامە و كارەكانی بە باشی بەڕێوە دەچێت و تا ئێستا قۆناغی زۆر باشی بڕیوە و بەردەوامیش چاودێری كارەكانی دەكرێت، بۆ ئەوەی لە وادەی خۆیدا تەواو بكرێت و دانیشتوانی سنووری چەمچەماڵ و دەورووبەری، كە ساڵانێكە گرفتی كەمئاویان هەیە، لەو كێشە لەمێژینەیەی كەمئاوی ڕزگاریان ببێت.”

وەزارەتەکە راشیگەیاندووە “پڕۆژەی ئاوی گۆپتەپە – چەمچەماڵ، پڕۆژەیەكی ستراتیژیی كابینەی نۆیەمی حكومەتی هەرێمی كوردستانە و بەمەبەستی چارەسەركردنی گرفتی كەمئاوی لە چەمچەماڵ و دەورووبەری، لەسەر فەرمانی مەسرور بارزانی، سەرۆكی حكومەتی هەرێمی كوردستان دروست دەكرێت.”

باسی لەوەشكردووەتەوە “گرێبەستەكەی ڕۆژی دووشه‌ممه‌ 24ی 6ی 2024، له‌ وه‌زاره‌تی شاره‌وانی و گه‌شتوگوزار له‌لایه‌ن ساسان عەونی، وه‌زیری شاره‌وانی و گه‌شتوگوزار و كۆمپانیای هابیكا واژوو كرا، دواتر لەلایەن وەزارەتی شارەوانی و گەشتوگوزارەوە فەرمانگەیەكی ئەندازیاری بۆ جێبەجێكردنی كارەكانی پرۆژەكە دامەزرێندرا.”

ئاماژەی بەوەشکردووە “پڕۆژەی (دیزاین و جێبەجێكردن و كارپێكردن – ئاوی گۆپتەپە چەمچەماڵ)، گوژمەكەی (114,099,000,580) دینارە و لەلایەن حكومەتی هەرێمی كوردستانەوە دابین دەكرێت، ماوەی تەواوبوونی 720 ڕۆژی بۆ دیاریكراوە، لە ڕۆژی 12ی 8ی 2024، دەستبەكارەكانی كراوە و لەلایەن وەزارەتی شارەوانی و گەشتوگوزار و بەڕێوەبەرایەتی گشتیی ئاو و ئاوەڕۆ سەرپەرشتی جێبەجێكردنی دەكرێت.”

ئەو پڕۆژەیە “ئاوی خاوێن دەگەیەنێتە شاری چەمچەماڵ و ناحیە و گوندەكانی دەورووبەری، توانای به‌رهه‌مهێنانی 3400م3 ئاوی خواردنه‌وه‌ی له‌ یه‌ك كاتژمێردا هه‌یه‌ و زیاتر له‌ 480 هه‌زار كه‌سیش لێی سوودمه‌ند ده‌بن و كاریگه‌ریی ڕاسته‌وخۆی له‌سه‌ر گه‌ڕاندنه‌وه‌ی ڕێژه‌یه‌كی زۆر ئاو بۆ شاری سلێمانی له‌ پڕۆژه‌ی ئاوی دوكان بۆ سلێمانی ده‌بێت و گرفتی كەمئاوی لە سنووری چەمچەماڵ و دەورووبەری چارەسەر دەكات.”

Back to top button