فەرمانبەران و مامۆستایانی شارەزوور دژی داگیرکاری زەوی لەلایەن بەرپرسانی یەکێتی و کۆمپانیاکانی ئەو حزبە گردبوونەوە.
لە گردبوونەوەیەکدا فەرمانبەران و مامۆستایانی شارەزوور دژی داگیرکاری زەوی لەلایەن بەرپرسانی یەکێتی و کۆمپانیاکانی ئەو حزبە هۆشداریان دا.
ئەمڕۆ پێنجشەممە، لە کۆنگرەیەکی رۆژنامەوانییدا ئەنجومەنی فشار لە دەڤەری شارەزوور کە پێکهاتوون لە مامۆستایان و فەرمانبەرانی سنوورەکە دژی داگیرکاری زەویەکان و تەلبەندکردنییان لەلایەن یەکێتی و بەرپرسانی گردبوونەوەو ناڕەزایی تووندیان دەربڕی.
هەورەها له گردووبوونەوەکەدا ئەنجومەنی فشار ڕایانگەیاند، بەپێی بڕیاری سەرۆکی حکومەتی هەرێمی کوردستان بۆ دابەشکردنی زەوی بەسەر فەرمانبەران نزیکەی 4هەزار کەس سوودمەند دەبن لە وەرگرتنی زەوی بەڵام بەرپرسانی یەکێتی و کۆمپانیاکانی زەویە نایابەکانی سنوورەکەیان داگیرکردووەو کامە زەوی بێ کەلکە بۆ فەرمانبەران ماوەتەوە و لە ئێستا 170دۆنم زەوی نایاب و گرانبەها بۆ سێ کۆمپانیای یەکێتی تەرخانکراوەو تەلبەندیش کراون، ئەوەی بۆ فەرمانبەران ماوەتەوە زەویەکی بێ کەڵک و دوورە دەستە بەهیچ شێوەیەک پێی ڕازی نابن .
