مەسرور بارزانی بەشداریی کۆڕبەندی داڤۆس دەکات

بڕیارە شاندێکی باڵای حکومەتی هەرێمی کوردستان بە سەرۆکایەتی سەرۆکوەزیران مەسرور بارزانی بۆ بەشداریکردن لە کۆڕبەندی ئابووری داڤۆس سەردانی سویسرا بکات، وتەبێژی دەستەی وەبەرهێنانیش لەمبارەیەوە دەڵێت، “نزیکەی 20 وەبەرهێنەر و بازرگانی گەورە یاوەری شاندەکە دەکەن”.

بەرگەشت ئاکرەیی، وتەبێژی دەستەی وەبەرهێنانی حکومەتی هەرێمی کوردستان رایگەیاند: ئەمڕۆ 19-1-2025، شاندێکی باڵای حکومەتی هەرێمی کوردستان کە سەرۆکوەزیران مەسرور بارزانی سەرپەرشتی دەکات، بۆ بەشداریکردن لە کۆڕبەندی ئابووری داڤۆس سەردانی سویسرا دەکات.

شاندەکە لە سەرۆکوەزیران مەسرور بارزانی، سەفین دزەیی، سەرۆکی فەرمانگەی پەیوەندییەکانی دەرەوە، محەممەد شوکری، سەرۆکی دەستەی وەبەرهێنان و نزیکەی 20 وەبەرهێن و بازرگانی گەورەی کوردستان پێکهاتووە.