لەبارەی دەرهێنانی مۆڵەتی شۆفێری نێودەوڵەتیی ڕوونکردنەوە دەدرێت
بەڕێوەبەرایەتی گشتی هاتووچۆی هەرێمی کوردستان، لەبارەی دەرهێنانی مۆڵەتی شۆفێری نێودەوڵەتی، رایدەگەیێنێت: بە سێ شێوازی جیاواز مۆڵەتەکە بە شۆفێران دەدرێت.
لە راگەیاندراوێکدا بەڕێوەبەرایەتی گشتی هاتووچۆی هەرێمی کوردستان رایگەیاند، مۆڵەتی شۆفێری نێودەوڵەتی لە ماوەی نیو کاتژمێردا لە بەڕێوەبەرایەتییەکانی هاتووچۆی پارێزگا و ئیدارە سەربەخۆکان دەردەچێت.
باسی لەوەشکردووە:” هەر کەسێک خوازیاری دەرهێنانی مۆڵەتی شۆفێری نێودەوڵەتی بێت، دەبێت ئەم پێداویستیانەی پێبێت.
ـ مۆڵەتی شۆفێری ڕەسەنی کارا بێت، واتە بەسەر نەچووبێت.
ـ پاسپۆرتی ڕەسەنی کارا بێت، واتە بەسەر نەچووبێت.
– دوو وێنەی ڕەنگاو ڕەنگ.
بڕی تێچوو و ماوەی کارابوونی مۆڵەتی شۆفێری نێودەوڵەتی بە سێ شێوە و کاتی جیاواز بە بڕی ڕسوماتی جیاواز دەدرێت، بەم شێوەیەی خوارەوە.
– بۆ یەک ساڵ بڕی 60 هەزار دینار وەردەگیرێت.
– بۆ دوو ساڵ 110 هەزار دینار وەردەگیرێت.
– بۆ سێ ساڵ بڕێ 160 هەزار دینار وەردەگیرێت.
