پرۆژەیەکی ستراتیژی کارەبا لە سنووری چەمچەماڵ جێبەجێ کرا
حکومەتی هەرێمی کوردستان پرۆژەیەکی ستراتیژی کارەبای لە سنووری چەمچەماڵ جێبەجێ کرد
وەزارەتی کارەبای حکومەتی هەرێمی کوردستان رایگەیاند:” لە درێژەی کارو پرۆژەکانی وەزارەتی کارەبا بۆ دابینکردن و باشتر کردنی کارەبای نیشتیمانی بۆ تەواوی ناوچەکانی هەرێمی کوردستان، لە سنووری بازیان و بەردەقارەمان و چەمچەماڵ و ئاغجەلەر پڕۆژەى ڕاکێشانی هێڵى 33 کەی ڤیی (بەردەقارەمان – بازیان) و (بەردەقارەمان – تەکیە) بە بڕی 3.5 ملیار دینار جێبەجێ کرا.
دەشڵێ:” پڕۆژەکەی بازیان – چەمچەماڵ گرنگییەكی زۆری بۆ چارەسەرى کێشەى بارزۆریی وێستگەى 132 کەی ڤیی چەمچەماڵ هەیە، لەوانە کێشەی کەمیی ڤۆلتیەی ناحیەی ئاغجەلەر چارەسەر کرد و سوودی بۆ ناوچەکانى بازیان و بەردەقارەمان و تەکیە هەبوو.
