وەزارەتی ئەوقاف: دەنگۆی ڕێگریکردن لە چالاکی ئایینی بۆ کەسانی بیانی ڕەت دەکەینەوە

گوتەبێژی وەزارەتی ئەوقاف ڕوونكردنەوەیەكی لەسەر ڕێكخستنی چالاكی ئایینی بۆ كەسانێكی بیانی بڵاو كردەوە و دەڵێت، رێكخستنی هەر جۆرە چالاكییەكی ئایینی بۆ كەسانی بیانی، ڕێگەپێدراو نییە و دەبێت مۆڵەت لە وەزارەتی ئەوقاف وەربگیردرێت.

نەبەز ئیسماعیل، ئایینی حكومەتی هەرێمی كوردستان ڕوونكردنەوەیەكی بڵاو كردەوە و ڕایگەیاند: “سەبارەت بە دەنگۆی ڕێگریكردن لە چالاكی ئایینی و قورئانخوێندن بۆ (كەسانی بیانی)، بۆ هەموولایەكی ڕوون دەكەینەوە، كە چالاكی ئایینی یان قورئانخوێندن یاخود پێشنووێژی لەلایەن (كەسانی بیانی) بە ڕێگەپێدانی لایەنە پەیوەندیدارەكانی وەزارەتی ئەوقاف و كاروباری ئایینی، كارێكی ئاساییە، لەم ڕووەوە پێشوازیی لە هەر چالاكییەك لەچوارچێوەی ڕێنوێنییەكان دەكەین.”

هەروەها ڕاشیگەیاندووە، “ئەوەی كە ڕێگەپێدراو نییە، مەبەست لێی ئەو بەڕێزانە، پێشوەختە پێویستە مۆڵەت لە وەزارەتی ئەوقاف داوا بكەن تاوەكوو ڕەزامەندیی وەربگیرێت، هەروەك لە هەموو وڵاتێك بەم شێوازەیە، ئەمەش پارێزگاریكردنە لە شوێنێكی پیرۆز، كە مزگەوتە.”