بانکەکانی هەژماری من دوورن لە سزاکانی ئەمریکا و دوو بانکی دیکەی نێودەوڵەتی دێنە ناو پڕۆژەکە

عەزیز ئەحمەد ، جێری بەڕێوەبەری نوسینگەی سەرۆک وەزیرانی هەرێمی کوردستان لەبارەی قەدەغەکردنی مامەڵەی دۆلار لە چەند بانکێکی عێراقی لە تۆڕی کۆمەڵایەتی ئێکس نوسیویەتی؛هەواڵی قەدەغەکردنی مامەڵەی دۆلارمان لە چەند بانکێکی دیکەی عێڕاقی بینی،ئەمەش واتای ئەوە دەگەیێنێت کە ئەوانەی هەژمارییان لەو بانکانە هەیە ناتوانن کارتەکانیان لە وڵاتانی دەرەوە بەکاربهێنن، لەپاڵ کۆمەڵێک بێبەشبوونی دیکەش.

‏هەروەها ئاماژەی بەوەش کردوە لە بەرامبەردا، بانکەکانی نێو پڕۆژەی ⁧‫#هەژماری_من‬⁩، کە پڕۆژەی گشتگیری دارایی حکومەتی هەرێمی کوردستانە، ناکەونە ژێر باریی سزاکانی ئەم هەواڵە. ئەمەش دەگەڕێتەوە بۆ ئەوەی کە سەرجەم بانکە بەشداربووەکانی پڕۆژەکە بەنێو ڕێکارێکی ووردبینی تایبەتدا دەڕۆن بەرلەوەی بەشداریبوونیان ببێتە فەرمی، لەنێو ئەم وردبینیانەدا، وردبینی داهات و خەرجییەکان و پابەندییان بە ڕێکارەکانی ⁦‪@cbiraq‬⁩ هەن.

‏عەزیز ئەحمەد لە درێژەی بابەتەکەیدا ئاماژەی بەوەشکردوە ، لە سەرووی ئەمانەشەوە، لە ماوەی چەند هەفتەی داهاتوودا، “دوو بانکی نێودەوڵەتیی بەناوبانگ دێنە ڕیزی هەشت بانکەکەی دیکەی هەژماری من “کە ئەمەش متمانەی هەمووان بۆ پڕۆژەکە دووپات دەکاتەوە.