سەرۆك بارزانی پێشوازیی لە شاندێكی حزبی موتەحیدون دەكات
سەرۆک بارزانی و شاندێکی حزبی موتەحیدون کۆبوونەوە و، بیروڕایان لەبارەی بارودۆخی سیاسیی عێراق و ناوچەكە و پەیوەندییەكانی نێوان حكوومەتی هەرێمی كوردستان و حكوومەتی عێراقی فیدڕاڵ ئاڵوگۆڕ کرد.
دووشەممە 17ـی شوباتی 2025، لە سەڵاحەددین سەرۆك مەسعود بارزانی، پێشوازیی لە شاندێكی حزبی موتەحیدون بە سەرۆكایەتیی ئوسامە نوجەیفی، سكرتێری گشتیی حزبەکە کرد.
بارەگای بارزانی بڵاوی کردەوە، لە کۆبوونەوەکەدا بیروڕا لەبارەی بارودۆخی سیاسیی عێراق و ناوچەكە و پەیوەندییەكانی نێوان حكوومەتی هەرێمی كوردستان و حكوومەتی عێراقی فیدڕاڵ ئاڵوگۆڕ كرا.
هاوکات هەردوولا جەختیان لەسەر هەماهەنگیی نێوان لایەنە سیاسییەكانی عێراق کردەوە.
