بافڵ تاڵەبانی: سەرۆک وەزیران مەسرور بارزانی تیمێکی هەژماری منی ناردە لامان زۆر شت ئێمە لێی ئاگادارنەبووین بۆمان روونبوویەوە
بافڵ تاڵەبانی لەبارەی هەژماری من نهێنییەکی نوێی ئاشکرا کرد و دەڵێ: سەرۆک وەزیران مەسرور بارزانی تیمێکی هەژماری منی ناردە لامان زۆر شت ئێمە لێی ئاگادارنەبووین بۆمان روونبوویەوە
ئەمڕۆ یەکشەممە، بافڵ تاڵەبانی، سەرۆکی یەکێتی نیشتمانی کوردستان، لە میانەی کۆنگرەی دیالۆگی بەغدا رایگەیاند” دوای ئەوەی سەرۆکوەزیران مەسرور بارزانی تیمێکی هەژماری منی ناردە لامان، دوای لێکۆڵینەوەکان زۆر شتی تەکنیکی هەبوو بۆمان روونبوویەوە کە ئێمە لێی ئاگادار نەبووین.
سەرۆكی یەكێتیی نیشتمانیی كوردستان گەشبینیی خۆی بە ڕێككەوتنی نێوان حزبەكەی و پارتی دیموكراتی كوردستان راگەیاند و ئاماژەی بەوە كرد كە ئیتر مایكەكان ناشكێنێت و گەشبینە بەوەی كورد بە یەك بەرە لە بەغدا داوای مافەكانی دەكات.
هەروەها لە میانی بەشداریكردنەکەی لە پانێڵێكی كۆنفرانسی گفتوگۆی بەغدا كە ئەمڕۆ بەڕێوە چوو، بافڵ تاڵەبانی، سەرۆكی یەكێتی باسی لە چەند پرسێك كرد كە یەكێك لەم بابەتانە، مەسەلەی پرۆژەی (هەژماری من) بوو و گوتی: “مەسرور بارزانی بەخشندانە تیمێكی (هەژماری من)ی نارد بۆ سلێمانی، لەگەڵ تیمەكانی ئێمە دانیشتن، سەیری جیاوازیی هەژماری من و تەوتینمان كرد، هەندێك بابەتی تەكنیكی هەیە كە ئێمە لێی ئاگادار نەبووین، هیوادارم پێكەوە بتوانین پرۆگرامێكی فراوانمان هەبێت كە زامنی شەفافییەت بكات بۆ بەدەستهێنانی مووچە.”
جەختیشی كردەوە: “ئەو تیمەی لەگەڵمان دانیشتن بەڕاستی جێی سەرسامی بوون، گەشبین بوون، وەڵامی هەر بابەتێكیان دایەوە كە ئێمە گوتمان. تەنانەت بڕیارە گرێبەستە بنەڕەتییەكانمان بۆ بنێرن لەگەڵ بانكەكان.”
هەر لەو پانێڵەدا بافڵ تاڵەبانی لەبارەی پەیوەندیی نێوان پارتی و یەكێتی، بافڵ تاڵەبانی گوتی: “ئەمجارە مایكەكان ناشكێنم.”
هەروەك گەشبینیی خۆی بەوە دەربڕی كە ئەمجارە پارتی و یەكێتی و كورد بە گشتی وەك بەرەیەكی یەكگرتوو لە بەغدا داوای مافەكانی خۆی بكات.
لەبارەی هێرشی گرووپە میلیشیاكانیش بە هەڕەشەوە رایگەیاند: “قەبووڵكراو نیە، دەبێ ئەم گرووپانە یەك بخرێنەوە، ئەگەر یەك نەخرێنەوە، دەبێ هەڵبوەشێندرێنەوە
