ڕاگەیەنراوێک لە وەزارەتی كارەباوە
وەزارەتی کارەبای حکوومەتی هەرێمی کوردستان، رایدەگەیێنێت :” دابەزینی پلەكانی گەرما بووەتە هۆی کەمبوونەوەی پێدانی کارەبا.
وەزارەتی کارەبای حکومەتی هەرێمی کوردستان ڕاگەیەنراوێکی بڵاو کردەوە تێدا رایگەیاندووە :” بەهۆی دابەزینی پلەكانی گەرما لە كاتژمێر (2:00)ی شەو، گرفتێكی تەكنیكی لە كێڵگەی كۆرمۆر دروستبوو و كاریگەریی لەسەر هەناردەكردنی غاز بۆ وێستگەكانی بەرهەمهێنانی كارەبا بە بڕی 250 ملیۆن پێ سێجا هەبوو، بەهۆیەوە 1000 مێگاوات كارەبا کەم بووەوە.
ئەوەشی راگەیاندووە:” تیمەكانی وەزارەتی سامانە سروشتییەكان و وەزارەتی كارەبا سەرقاڵی چارەسەركردنی گرفتەكە و ئاسایكردنەوەی بارودۆخەكەن.
