سیستمی دەرهێنانی مۆڵەتی شوفێری لە هەرێمی كوردستان، دەگۆڕێت
بەپێی بڕیارێک سیستمی دەرهێنانی مۆڵەتی شوفێری لە هەرێمی كوردستان، دەگۆڕێت و هەر كەسێك داوای مۆڵەتی شوفێری بكات، دەبێت 33 سەعات وانە بخوێنێت.
بەپێی بڕیارێكی وەزارەتی ناوخۆی هەرێمی کوردستان پێدانی مۆڵەتی شوفێری لە هەرێمی كوردستان دەگۆڕێت و لەمەودوا هەر كەسێك مۆڵەتی شوفێری دەربكات، پێویستە بەچەند رێكاریك بڕوات، سیستمێكی گرنگە و گشت یاسا و هێما و هێل و ڕێنوێنیی رێگەكانی فێر دەكرێت.
بەپێی بڕیارەکە لە سیستمە نوێیەكە وانەكانی تیۆری بۆ داواكاری مۆڵەت 21 سەعاتە و دەبێت وانەكان بخوێنن، رۆژانە سێ سەعات بۆ ماوەی حەوت رۆژ تا وانەكانی تیۆری تەواو دەبن.
بەشێكی سیستمەكە بریتییە لە وانەی پراكتیكی كە وانەكانی 12 سەعات بە كرداری لەگەڵ راهێنەر شوفێری دەكەن، پاشان لە بەڕێوەبەرایەتیی هاتووچۆ لە بەشی مۆڵەتی شوفێری تاقیكردنەوەكانی پێ ئەنجام دەدەن.
