سەرۆک بارزانی: بە هەموو توانایەک پشتیوانیی پرۆسەی ئاشتی تورکیاین
سەرۆك بارزانی پەیامێكی لەبارەی پەیامی ئۆ*جەلان بۆ پرۆسەی ئاشتی بڵاو كردەوە و لە بەشێکی هاتووە :” جەخت لەسەر هەڵوێستی نەگۆڕی خۆمان دەکەینەوە و بە هەموو توانایەک پشتیوانی پڕۆسەی ئاشتی لە تورکیاین
ئەمەی خوارەوە دەقەكەیەتی:
بەناوی خودای بەخشندە و میهرەبان
لەبارەی پڕۆسەی ئاشتی و چارەسەری لە تورکیا، جەخت لەسەر هەڵوێستی نەگۆڕی خۆمان دەکەینەوە و بە هەموو توانایەک پشتیوانی پڕۆسەی ئاشتی لە تورکیاین و ئاشتی بە تاکە ڕێگەی دروست بۆ چارەسەرکردنی کێشەکان دەزانین.
هیوادارین پەیامەکەی بەڕێز ئۆجەلان دەستپێکێک بێت بۆ ئەوەی پڕۆسەی ئاشتی ڕێی خۆی بگرێت و، بگاتە ئەنجامێکی وا کە لە بەرژەوەندیی هەموو لایەک بێت.
مسعود بارزانی
27ی شوباتی 2025
