بە رێگایەکی جیاواز و تایبەت چاودێری پێگەشوێنەوارییەکانی هەرێمی کوردستان دەکرێت
بڕیارە لە ماوەیەکی نزیک بە رێگایەکی جیاواز و تایبەت چاودێری پێگەشوێنەوارییەکانی هەرێمی کوردستان بکرێت .
بەڕێوەبەرایەتی گشتی شوێنەوار و کەلەپوور لە هەرێمی کوردستان رایگەیاند:” (گراهام فلیپ) سەرۆکی ڕێکخراوی EAMEAN و کەیفی مستەفا، بەڕێوەبەری گشتی شوێنەوار و کەلەپوور کۆبوونەوە و لەبارەی شوێنەوارەکانی کوردستان چەند بابەتێکی گرنگ بڕیار درا کاری لەسەر بکرێت لەوانەش دروستکردنی ئەپڵیکەیشنێکی مۆبایل تایبەت بەچاودێری کردنی پێگەشوێنەوارییە کانی هەرێمی کوردستان.
ئەوەشی خستۆتەروو:” لەماوەیەکی نزیک ئەم ئەپڵیکەیشنە دەکەوێتە کار، ئەمەش دەبێتە کارئاسانیەکی زۆر بۆ چاودێری کردنی پێگەشوێنەوارییەکان لەهەرێمی کوردستان، هەروەها لەماوەی ڕابردوو چەندخولێکی تایبەت بەم بوارە بۆ شوێنەوارناسان لەلایەن ڕێکخراوی ناوبراو ئەنجام درابوو.
