عێراق لە پێوەرەکانی دیموکراسیی ساڵی 2024دا لە کۆی 167 وڵاتدا لە پلەی 126ی ڕیزبەندییەکەدایە
بەپێی راپۆرتێکی دیموکراسی ئیندێکس (Democracy Index) کە ڕێژە و ئاستی دیموکراسی لە 167 وڵاتی دونیادا هەڵدەسەنگێنێت، بۆ ساڵی 2024، عێراق و چەند وڵاتێکی عەرەبی وەک ڕژێمی تاکڕەو پۆلێن کردووە.
لە ڕاپۆرتەکەدا، عێراق لە کۆی 167 وڵاتدا لە ڕیزبەندی 126یەمیندا هاتووە .
هاوکات لەنێو گەلانی عەرەبیشدا، تەنیا مەغریب و تونس وەک ڕژێمی تێکەڵاو پۆلێن کرابوون، ئەوانی دیکەش بە عێراقیشەوە بە تاکڕەو ناوزەد کراون.
لە ئاستی جیهانیدا، نەرویج لە پێشەنگی پێوەرەکەدا هاتووە و نیوزلەندا و فینلاندیش لە پلەی دووەمدان، کۆریای باکوور و میانمار و ئەفغانستانیش لە پلەی خوارەوەن.
لە ڕاپۆرتەکە هۆشداریشی داوە لەوەی، کە دیموکراسیی نوێنەرایەتی لە ڕۆژهەڵاتی ناوەڕاست و باکووری ئەفریقا بەدەگمەن ماوەتەوە.
