فەرماندە مەنسوور بارزانی، سەردانی پارێزگای هەولێری کرد و پڕۆژەیەکی خێرخوازی ڕاگەیاند

ئەمڕۆ یەکشەممە 2025.3.2، لەسەر فەرمانی سەرۆک بارزانی، فەرماندە مەنسوور بارزانی، سەردانی دیوانی پارێزگای هەولێری کرد و لە لایەن ئومێد خۆشناو، پارێزگاری هەولێر و بەرپرسانی حزبی و حکومی پارێزگاکە پێشوازی لێکرا.

لەمبارەیەوە پارێزگای هەولێر لەلاپەڕەی فەرمی خۆی لە فەیسبووک بڵاویکردەوە،” بەرنامەیەکی خێرخوازی بۆ مانگی پیرۆزی ڕەمەزان دیاریکرا، کە لە بەیانییەوە سەدان فڕنی نان لە سنووری پارێزگای هەولێر بۆ خەڵکی هەژار و کەمدەرامەت بەخۆڕایی دەبێت و هەروەها دابینکردنی شیرینی و ئاو بۆ 2 هەزار مزگەوت، کە لەلایەن فەرماندە مەنسوور بارزانی بودجەی تایبەتی بۆ تەرخانکراوە.