سوودانی ئەمینداریەتی گشتی ئەنجومەنی وەزیرانی راسپارد بەدەرچواندنی رێنمایی تایبەت بەجێ بەجێ کردنی یاسای گەڕاندنەوەی زەوییەکان بۆ خاوەنەکانیان.
جێگری سەرۆکی پەرلەمانی عێراق ئاشکرای کرد:” سوودانی ئەمینداریەتی گشتی ئەنجومەنی وەزیرانی راسپارد بەدەرچواندنی رێنمایی تایبەت بەجێ بەجێ کردنی یاسای گەڕاندنەوەی زەوییەکان بۆ خاوەنەکانیان.
شاخەوان عەبدوڵڵا ، جێگری سەرۆکی پەرلەمانی عێراق ڕایگەیاند؛” ئەمڕۆ بەرێز سەرۆک وەزیرانی عیراق ئەمینداریەتی گشتی ئەنجومەنی وەزیرانی راسپارد بەدەرچواندنی رێنمایی تایبەت بەجێ بەجێ کردن یاسایی گەراندنەوەی زەوییەکان بۆ خاوەنەکانیان.
دەشڵێت،” دوای ئەوەی لەبەرواری ١٧ ی شوبات داوایەکمان ئاراستەی بەڕز سەرۆک وەزیران کرد لەسەر کێشەکانی جوتیاران و جێ بەجێ کردنی یاسایی پوچەل کردنەوەی بریارەکانی حزبی بە*عسی لەناوچوو، سەرۆک وەزیران فەریق عەبدولکەریم سودانی راسپارد وئەویش لیژنەیەکی دروست کرد و رەوانەی کەرکووک کراو کۆمەڵێک پێشنیاریان ئاراستەی سەرۆک وەزیران کرد ،
باسی لەوەشکرد ، ئەمرۆ فەریق عەبدولکەریم ئاگاداری کردم جیا لەپەسەند کردنی پێشنیارەکان ئەمینداریەتی ئەنجومەنی وەزیرانیشی راسپاردووە بۆ دەرچواندنی رێنمایی تایبەت بەجێ بەجێ کردنی یاسای گەراندنەوەی زەوییەکان بۆ خاوەنەکانیان ، تادوا قۆناغ و دەست پێکردن بەمامەڵەی بەناو کردنی زەوییەکان لەلایەن جووتیارانەوە لەگەلیان دەبین و لەخزمەتیان دەبین .
