بە بڕیاری مەسرور بارزانی کارکردن لە پڕۆژەی جووتسایدی (هەولێر – کۆیە) دەستیپێکردووە و بەردەوامە
پارێزگای هەولێر ڕایدەگەیەنێت، بە بڕیاری سەرۆكی حكومەتی هەرێمی كوردستان لە چوارچێوەی بایەخپێدانی كابینەی نۆیەمی حكومەت بە ڕێگەوبان، كاركردن لە پڕۆژەی جووتسایدی (هەولێر – كۆیە) بەردەوامە.
لە راگەیاندراوێکدا، پارێزگای هەولێر ڕایگەیاند، کارکردن لە پڕۆژەی جووتسایدی (هەولێر – کۆیە) بەردەوامە، ئەوەش “بە بڕیاری سەرۆكوەزیران ڕێزدار مەسرور بارزانی لە چوارچێوەى گرنگیدانى كابینەی نۆیەمی حكومەتی هەرێمی كوردستان بە رێگه‌وبان، بە گوژمەی زیاتر لە (403 ملیار دینار) و بە درێژیی 38 کیلۆمەتر دەست بە جێبەجێکردنی کراوە و بەردەوامە و کارکردن تێیدا بەخێرایی بەڕێوە دەچێت.
