مەسرور بارزانی: نەورۆزی ئەمساڵ بۆیە تایبەتترە لە ئاكرێ، چونكە جەنابی سەرۆك بارزانیمان لەگەڵە.
سەرۆک وەزیران مەسرور بارزانی ڕایگەیاند: نەورۆز تەنیا ڕۆژێکی نوێ نییە، بەڵکو بیرهێنانەوەیەکە کە زووڵم و ستەم تا سەر بەردەوام نابێت، گوتیشی: نەورۆزی ئەمساڵ بۆ ئێمە زۆر تایبەتە، چونکە پێشمەرگە و سەروەر و ڕێبەر سەرۆک بارزانی لەگەڵ ئێمەیەدا لە ئاهەنگەکەدا بەشدارە.”
مەسرور بارزانی، سەرۆک وەزیرانی هەرێمی کوردستان، لەمیانی بەشداری لە ئاهەنگی نەورۆز لە ئاکرێ، وێڕای بەخێرهانی میوانەکان گوتی: چەندین ساڵە کچ و کوڕی ئاکرێ، مەشخەڵی ئاگری نەورۆز دەبنە سەر چیای کەلێ، کە بووەنتە هۆی ئەوەی ئاکرێ ببێتە پایتەختی نەورۆز.
هاوکات دەڵێت: “نەورۆزی ئەمساڵ بۆ ئێمە زۆر تایبەتە، چونکە پێشمەرگە و سەروەر و ڕێبەر سەرۆک بارزانی لەگەڵ ئێمەیەدا لە ئاهەنگەکەدا بەشدارە.”
سەرۆک وەیزران سوپاسێکی تایبەتی خەڵکی ئاکرێ دەکات و دەڵێت: “هەموو ساڵێک خەڵکی ئاکرێ زۆر ماندوودەبن لە ڕێکخستنی ئاهەنگی نەورۆز، هەروەها دیمەنی جوانی ئاکرێ نیشانی هەموو جیهان دەدەن و باوەشیان بۆ گەشتیاران دەکەنەوە.”
لەبارەی نەورۆزەوە، مەسرور بارزانی، گوتی: نەورۆز تەنیا ڕۆژێکی نوێ نییە، بەڵکو بیرهێنانەوەیەکە کە ستەم و زووڵم تا سەر بەردەوام نابێت و ئەو نەتەوە و گەلی کە داوای ئازادی دەکەن ڕۆژێک هەر پێی دەگەن و بە دەستی دەهێنن.
هەروەها مەسرور بارزانی هیوای خواست، جەژنی نەورۆز ببێتە مایەی ئاشتی و پێکەوەژیان و بەختەوەری بۆ گەلی کورد لە کوردستان و سەرانسەری جیهان.
