بەشێكی شەقامی 120 مەتری هەولێر دادەخرێت

لە راگەیاندراوێکدا هاتووچۆی هەولێر رایگەیاند “ئاگاداری شوفێرانی شاری هەولێر دەکەینەوە، بەیانی لە ڕێکەوتی 3/4/2025 بەهۆی کارکردن لە پڕۆژەی ئاوی ئیفراز، شەقامێكی خزمەتگوزاری 120 مەتری خێرا دادەخرێت.

راشیگەیاند “داخستنی شەقامەكە لە گەڕەکی 32ی پارک نزیک کۆمپانیای (opvi) و گۆرەپانی پشکنینی ئۆتۆمبێلی بەڕێوەبەرایەتی هاتوچۆی هەولێر دەبێت”.

ئاماژەی بەوەش دا :” داخستنی شەقامەكە ماوەی 10 ڕۆژ دەخایەنێت، بۆیە داوا لە شوفێران دەکەین هاتووچۆ بەم شەقامە نەکەن و شەقامی جێگرەوە بەکار بهێنن تا کاری هەڵکندن و گواستنەوەی بۆڕی ئاوەکە تەواو دەبێت.

جەختیشی كردەوە :” دوای تەواوبوونی کارکردن، هاتووچۆ لە شەقامەکە ئاسایی دەبێتەوە.

Back to top button