سوپای عێراق جووتیارێکی کوردیان دەستگیرکرد
لە گوندی پەڵکانەی سەربە شارەدێی سەرگەڕان جووتیارێکی کورد بەناوی گۆران سلێمان لەکاتی ئیشکردن لەزەوییەکەی سوپای عێراق دەستگیریکرد .
جووتیارەکە گوتی :” لەنێو گوندی پەڵکانە زەوییەکمان هەیە ڕووبەرەکەی کەمتر لە دۆنمێکە و پێشتر هێزە ئەمنییەکان ڕێگەیانداوە بیکێڵم و بۆکاری کشتوکاڵی بەکاری بهێنم، چونکە هیچ کيشەیەکی لەسەرنییە، بەڵام هيزێکی سوپای عێراق هاتنە سەرم و لەکاتی کێڵانی زەوییەکەم دەستگیریانکردم.
دەشڵێت: لەکاتی هاتنی هێزەکەی سوپای عێراق، پەیوەندییەکی تەلەفۆنیان لەلایەن فەرحان غەزال کە شێخێکی عەرەبی هاوردەیە بۆهاتووەو بەهێزەکەی گوتووە ئەگەر دەستگیری نەکەن، ئەوا بە سەرووی خۆتان دەڵێم تاکوسزاتان بدات.
