ژمارەی قوربانیان بەرز بویەوە
خواكوڕك
دوای ئەوەی ئەمڕۆ فڕۆكە جەنگەكانی رژێمی سوریا بە چەكی كیمیاوی بۆردوومانی چەند ناوچەیەكی سوریایی كرد ئێستا ژمارەی قوربانیانی كۆمەڵكوژیەكەی خان شەیخون لە نزیكی ئیدلب كە بەر بۆردوومانەكە كەوت بەرزبوەتەوە بۆ سەد كوژراو و چوارسەد بریندار لەناو كوژراوەكاندا بیست و پێنج مناڵی تێدایە.
مونزر خەلیل بەڕێوەبەری تەندروستی ئیدلب لە ڕاگەیەندراوێكدا داوا لە كۆمەڵگای نێودەوڵەتی دەكات بە زوویی بەدەم بەركەوتوانی پەلامارە نامرۆڤانەكانی ڕژێمی سوریاوە بچن كە بەگازی كیمیاوی كەوتۆتە قەڵاچۆكردنی هاوڵاتیان و ئەنجامدەرانی ئەو كۆمەڵكوژیە سزا بدەن.
مونزر خەلیل ئاماژەی بەوەش كردووە ڕژێمی سوریا گازی كلۆرو سارینی دژی هاوڵاتیان بەكارهێناوەو گەر وڵاتان زوو بەدەم بەركەوتوانەوە نەڕۆن ئەوا كارەساتی گەورەتر ڕودەدات.
سەرچاوە: الجزیرە
