وەزیری دەرەوەی فەرەنسا: لە پشتیوانیی کورد بەردەوام دەبین
وەزیری دەرەوەی فەرەنسا ڕایگەیاند: هەمیشە لە پاڵ کوردەکان دەمێنینەوە و پێکەوە لە ڕووبەڕووبوونەوەی تیر*ۆر لە ناوچەکە بەردەوام دەبین.
ژان نوێل بارۆ، وەزیری دەرەوەی فەرەنسا، لە هەژماری خۆی لە تۆڕی کۆمەڵایەتیی ئێکس، نووسیویەتی: هەمیشە فەرەنسا پشتیوانی لەکوردەکان دەکات و لە پاڵیان دەمێنێتەوە.
جەختی لەوەش کردەوە، پێکەوە لەگەڵ کوردەکان لە ڕووبەڕووبوونەوەی تیر*ۆر لە ناوچەکە بەردەوام دەبین.
ژان نوێل بارۆ، جەختی لەوە کردەوە، کە دەبێت ماف و بەرژەوەندییەکانی کورد لە حکومەتی سووریا لەبەرچاو بگیرێت.
