وەزارەتی دارایی: مووچەی مانگی چوار گەیشت

کەمێک پێش ئێستا وەزارەتی دارایی و ئابووریی حکومەتی هەرێمی کوردستان رایگەیاند، وەزارەتی دارایی فیدراڵی مووچەی مانگی نیسان (چوار)ـی فەرمانبەرانی خستە سەر هەژماری بانکیی وەزارەتەکەیان لە لقی هەولێری بانکی ناوەندیی عێراق.

دەقی راگەیاندراوی وەزارەتی دارایی:

تەمویلی مووچەی مانگی نیسان خرایە سەر هەژماری بانکی وەزارەتی دارایی :

بڕی 959،514،000،000 نۆ سەدو پەنجاو نۆ ملیارو پێنج سەدو چواردە ملیۆن دینار وەک شایستەی مووچەی فەرمانبەران و مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابووری هەرێمی کوردستان لەلقی هەولێری بانکی ناوەندی عێراق.

راگەیاندنی وەزارەتی دارایی و ئابووری.

13 ی ئایاری 2025.