لیستی مووچەی مانگی 11 رادەستی وەزارەتی دارایی عێراق کرا
وەزارەتی دارایی رایدەگەیێنێت:” لیستی مووچەی مانگی تشرینی دووەم رادەستی وەزارەتی دارایی حکومەتی فیدراڵ کرا.
وەزارەتی دارایی و ئابووری حکومەتی هەرێمی کوردستان رایگەیاند، ئەمڕۆ یەکشەممە، 07ـی کانوونی یەکەمی، لیستی مووچەی مانگی تشرینی دووەمی فەرمانبەران و مووچەخۆرانی هەرێمی کوردستان لەلایەن تیمی تەکنیکی وەزارەتی دارایی و ئابووری هەرێمی کوردستانەوە رادەستی فەرمانگەی ژمێریاری وەزارەتی دارایی حکومەتی فیدراڵ کرا.