نوێنەرەکەی ترەمپ بۆ عێراق: عێراق دووبارە مەزن دەکەینەوە
دوای کۆبوونەوەکەی لەگەڵ وەزیری جەنگی ئەمریکا لە ڕاگەیاندراوێکدا مارکا ساڤایا، نوێنەری تایبەتی ترەمپ بۆ کاروباری عێراق ڕایگەیاند :” ئەمڕۆ کۆبوونەوەیەکم لە کۆشکی سپی لەگەڵ وەزیری جەنگ “پیت هێگسێت” و دکتۆر “سێباستیان گۆرکا” بەڕێوەبەری بەرەنگاربوونەوەی تیرۆری ئەمریکا کۆتایی پێهێنا.
دەشڵێت:” ڕێککەوتین لەسەر ئەوەی ئەو بابەتانەی گفتوگۆیان لەسەر کراوە، لە میانی سەردانە چاوەڕوانکراوەکەم بۆ عێراق چارەسەر بکرێن، لەوێش لەگەڵ بڕیاردەرە ڕاستەقینەکان کۆدەبمەوە بۆ ڕووبەڕووبوونەوەی بارودۆخەکە لە پێناو بەرژەوەندی گەلی عێراق.
لە کۆتایشدا دەڵێ:” با عێراق دووبارە مەزن بکەینەوە.