یەكێتی لەمەوبەدوا یاسای پاداشت و سزا پەیرەو دەكات
خواكوڕك
مەكتەبی سیاسی یەكێتی نیشتمانی كوردستان راگەیاندراوێكی بڵاو كردەوە لە راگەیاندراوەكەدا هاتووە لیژنەیەك بەسەرپەرەشتی كۆسرەت رەسوڵ و لێپرسراوو ئەندامانی دەستەی كارگێڕو هێرۆ ئیبراهیم ئەحمەد ئەندامی مەكتەبی سیاسی‌و بافێل تاڵەبانی وەك لێپرسراوی سكرتارییەتی سكرتێری گشتی‌و گەیاندنی پەیامی كۆبوونەوەكان بەجەنابی مام جەلال، ئەركیان پێسپێردرا، بەرپرسیاربن لەجێبەجێكردنی تەواوی ئەو بڕیارانەی لەئەنجوومەنی سەركردایەت‌و مەكتەبی سیاسی دەدرێن، سەبارەت بە یەكێتیی نیشتمانیی كوردستان، هەروا لەسەر كاری حكومەت، دامودەزگاكانی ئاسایش، پێشمەرگە، تەواوی ئۆرگانەكان‌و رێكخراوە دیموكراتیەكان. لەپێشەوەی ئەركەكانیشیان چۆنێتی جێبەجێكردنی پەیرەوی ناوخۆ‌و دارشتنی رێسای جێبەجێكردنی سزاو پاداشت لەناو ئۆرگانەكانی یەكێتی دا.
هەروەها یەكێتی نیشتمانی كوردستان سەبارەی بە كۆبوونەوەی پارتی و یەكێتی و لێژنەی هاوبەشی ئەو دوولایانە بۆ لای هێزەكانی كوردستان لە راگەیاندراوەكە دا دەلێت، كۆبوونەوەی هاوبەشی مەكتەبی سیاسی یەكێتی‌و پارتی‌و لایەنە سیاسیەكانی ترو راگەیاندراوە هاوبەشەكەی یەكێتی‌و پارتی، وەك سەرەتایەك بۆ ریفراندۆم، بەباشی هەڵسەنگێنرا، دوای گوێ گرتن لەڕاپۆرتی زارەكی عەدنان موفتی، سەردانی شاندی هاوبەش بۆ بەغداو چاوپێكەوتنیان لەگەڵ بەرپرسانی باڵاو هێزە سیاسییەكان، لەپێشەوەیانەوە سەرۆك كۆمارو سەرۆكی حكومەت‌و سەرۆكی ئەنجوومەنی نوێنەرانی عێراق، بۆ دۆزینەوەی رێگەچارەی گونجاو بۆ مافی ئاڵا هەڵكردن لەكەركوك‌و ریفراندۆم، بەئەرێنی هەڵسەنگێنرا”.
دەقی راگەیەنراوەکە
سه‌عات (12)ی پێشنیوه‌رۆی ئه‌مڕۆ (8/4/2017)، له‌باره‌گای مه‌كته‌بی سیاسی له‌سلێمانی، به‌سه‌رپه‌رشتی هه‌ڤاڵ كۆسره‌ت ره‌سول عه‌لی جێگری سكرتێری گشتی و به‌ئاماده‌بوونی هه‌ڤاڵ هیرۆ ئیبراهیم ئه‌حمه‌د ئه‌ندامی مه‌كته‌بی سیاسی، كۆبونه‌وه‌یه‌ك له‌گه‌ڵ به‌رپرس و ئه‌ندامانی ده‌سته‌ی كارگێری مه‌كته‌بی سیاسی و عه‌دنان موفتی به‌رێوه‌چوو.
له‌كۆبونه‌وه‌كه‌دا، دۆخی ناوخۆی یه‌كێتی به‌وردی باسكراو كۆبوونه‌وه‌ی مه‌كته‌بی سیاسی یه‌كێتیو پارتی، سه‌ردانی وه‌فدی هاوبه‌ش بۆ لای لایه‌نه سیاسیه‌كانی كوردستان بۆ ریفراندۆم و چوونی وه‌فدی هاوبه‌ش بۆ به‌غدا تاوتوێ كرا.
سه‌ره‌نجام :
1. كۆبونه‌وه‌ی هاوبه‌شی مه‌كته‌بی سیاسی یه‌كێتی و پارتی و لایه‌نه سیاسیه‌كانی ترو راگه‌یاندراوه هاوبه‌شه‌كه‌ی یه‌كێتی و پارتی، وه‌ك سه‌ره‌تایه‌ك بۆ ریفراندۆم، به‌باشی هه‌ڵسه‌نگێندرا.
2. دوای گوێ گرتن له‌ڕاپۆرتی زاره‌كی هه‌ڤاڵ عه‌دنان مفتی، سه‌ردانی وه‌فدی هاوبه‌ش بۆ به‌غداو چاوپێكه‌وتنیان له‌گه‌ڵ به‌رپرسانی باڵاو هێزه سیاسیه‌كان، له‌پێشه‌وه‌یانه‌وه سه‌رۆك كۆمارو سه‌رۆكی حكومه‌ت و سه‌رۆكی ئه‌نجومه‌نی نوێنه‌رانی عیراق، بۆ دۆزینه‌وه‌ی رێگه‌چاره‌ی گونجاو بۆ مافی ئاڵا هه‌ڵكردن له‌كه‌ركوك و ریفراندۆم، به ئه‌رێنی هه‌ڵسه‌نگێندرا.
3. سه‌باره‌ت به‌دۆخی ناوخۆی یه‌كێتی، تێكرا ئاماده‌بوانی كۆبوونه‌وه‌كه، جه‌ختیان كرده‌وه، كه چی دیكه ناكرێ دیسپلینی حزبایه‌تی و جێبه‌جێ كردنی په‌یره‌وه‌ی ناوخۆ و ژیانی حزبایه‌تی و په‌یره‌وی ناوخۆ فه‌رامۆش بكرێ، بۆیه بڕیاردرا، كه لیژنه‌یه‌ك به‌سه‌رپه‌ره‌شتی كۆسره‌ت ره‌سول عه‌لی جێگری سكرتێری گشتی و لێپرسراو و ئه‌ندامانی ده‌سته‌ی كارگێڕ و هێرۆ ئیبراهیم ئه‌حمه‌د ئه‌ندامی مه‌كته‌بی سیاسی و بافڵ تاڵه‌بانی وه‌ك لێپرسراوی سكرتاریه‌تی هه‌ڤاڵ سكرتێری گشتی و گه‌یاندنی په‌یامی كۆبونه‌وه‌كان به‌جه‌نابی مام جه‌لال، ئه‌ركیان پێ سپێردرا، به‌رپرسیاربن له جێبه‌جێكردنی ته‌واوی ئه‌و بڕیارانه‌ی له ئه‌نجومه‌نی سه‌ركردایه‌تی و مه‌كته‌بی سیاسی ده‌درێن، سه‌باره‌ت به یه‌كێتیی نیشتمانیی كوردستان، هه‌روا له‌سه‌ر كاری حكومه‌ت، داموده‌زگاكانی ئاسایش، پێشمه‌رگه، ته‌واوی ئۆرگانه‌كان و رێكخراوه دیموكراتیه‌كان. له‌پێشه‌وه‌ی ئه‌ركه‌كانیشیان چۆنێتی جێبه‌جێكردنی په‌یره‌وی ناوخۆ و دارشتنی رێسای جێبه‌جێكردنی سزاو پاداشت له‌ناو ئۆرگانه‌كانی یه‌كێتی-دا، به‌پێی بڕیاری دوایین كۆبوونه‌وه‌ی ئه‌نجومه‌نی سه‌ركردایه‌تی، كه له‌رێكه‌وتی(13/3/2017) ئه‌نجامدرا، ئه‌و هه‌ڤاڵانه‌ی پێشلكاریان ئه‌نجام دابێ، سه‌رزه‌نشتی ره‌سمیان ئاراسته ده‌كرێ.
ده‌سته‌ی كارگێڕی مه‌كته‌بی سیاسی
یه‌كێتیی نیشتمانیی كوردستان
8/4/2017
