حکومەتی هەرێمی کوردستان: هێرشەکانی ئێران بێ پاساون و سەقامگیریی ناوچەکە تێکدەدەن
لە ڕاگەیاندراوێکدا، سەرۆکایەتی ئەنجومەنی وەزیرانی هەرێمی کوردستان، بە توندی هێرشە مووشەکی و درۆنییەکانی کۆماری ئیسلامیی ئێرانی بۆ سەر خاکی هەرێمی کوردستان شەرمەزار کرد.
لە ڕاگەیاندراوەکەی، سەرۆکایەتی ئەنجومەنی وەزیرانی هەرێمی کوردستان هاتووە: “هێرشە بێ پاساوەکانی کۆماری ئیسلامیی ئێران بۆ سەر هەرێمی کوردستان شەرمەزار دەکەین.”
حکومەتی هەرێمی کوردستان هۆشداریداوە کە بەردەوامیی ئەم جۆرە هێرشانە، “سەقامگیریی تەواوی ناوچەکە تێک دەدات” و داوای لە کۆماری ئیسلامیی ئێران کردووە کۆتایی بەم هێرشانە بهێنێت.
هەر لە ڕاگەیاندراوەکەدا، داوا لە حکومەتی عێراقی فیدراڵ و کۆمەڵگەی نێودەوڵەتی دەکات سنوورێک بۆ ئەم پێشێلکاریانە دابنێن.