سبه‌ی حكومه‌تی هه‌رێم كۆده‌بێته‌وه بزانن بۆ چ مه‌به‌ستێكه
خواكوڕك
سەرۆکی فەرمانگەی ھەماھەنگی و بەدواداچوون لە حكومه‌تی هه‌رێمی كوردستان رایگه‌یاند: سبه‌ی سێ شه‌ممه حكومه‌تی هه‌رێم به سه‌رۆكایه‌تی نێچیرڤان بارزانی كۆ ده‌بیته‌وه و تاوتوێی چوار ته‌وه‌ری گرنگ ده‌كات.
(د.نووری عوسمان) سەرۆکی فەرمانگەی ھەماھەنگی و بەدواداچوون لە حكومه‌تی هه‌رێمی كوردستان راگەیاندوه”بڕیاره حكومه‌تی هه‌رێمی كوردستان سبه‌یی سێ شه‌ممه به سه‌رۆكایه‌تی سه‌رۆكی حكومه‌تی هه‌رێمی كوردستان (نێچیرڤان بارزانی) كۆببێته‌وه، چوار ته‌وه‌ر باسی لێوه‌بكرێت، ته‌وه‌ره‌كانیش بریتین له (راپۆرتێکی وەزارەتی خوێندنی باڵا لەبارەی رێکخستن و ھاوکاریی بۆ زەمالەی خوێندن، خستنەڕووی رێنماییی تاپۆکردنی سنووری گوندەکان کە کەوتوونەتە ناو ماستەرپلانی شارەوانییەکان، گفتوگۆکردن لەبارەی راپۆرتێک لەسەر ژینگە، هەروەها گفتوگۆکردن لەبارەی پێشنیازێک بۆ دامەزراندنی بەڕێوبەرایەتییەک بۆ بەرێوبەربردنی قەرزە گشتییەکان لەلایەن وەزارەتی داراییەوە.
ئه‌وه‌ی شایه‌نی باس بێت حكومه‌تی هه‌ریمی كوردستان بڕیاری داوه بۆ هه‌ر پرسێك كه په‌یوه‌ست بێت به ژیان و گوزه‌رانی خه‌ڵك كۆبونه‌وه‌ی له‌سه‌ر بكریت و پرسه‌كه تاوتوی بكرێت، بۆ به ئه‌نجام گه‌یاندنی كاری پێویست بۆ رای كردنی.
