بزانە بارزانی چی لەبارەی كوردانی یەكێتی سۆڤیەت گوتووە
![](https://xwakurk.com/wp-content/uploads/2017/04/3456.jpg)
خواكوڕك
سەرۆكی هەرێمی كوردستان پێشوازی لە شاندی فیدراسیۆنی كۆمەڵە كوردییەكانی وڵاتانی سۆڤییەتی پێشوو دەكات، وهكو له ههواڵهكهی ماڵپهڕی سهرۆكایهتی ههرێمی كوردستاندا هاتووه”سەرۆك بارزانی سوپاسی هەڵوێستی شاندی میوانی كرد و كوردانی دانیشتووی وڵاتانی سۆڤییەتی پێشووی بە بەشێكی ئازیزی گەلی كوردستان لە قەڵەمدا و دەستخۆشی لە كار و چالاكییەكانی فیدراسیۆنی كۆمەڵە كوردییەكانی وڵاتانی سۆڤییەتی پێشوو كرد
ئهمڕۆ دووشەممە 10/4/2017 لە سەلاحەددین (مەسعود بارزانی) سەرۆكی هەرێمی كوردستان پێشوازی لە شاندی فیدراسیۆنی كۆمەڵە كوردییەكانی وڵاتانی سۆڤییەتی پێشوو كرد، له دیدارەكەدا شاندی میوان سوپاسی سەرۆكی ههریمی كوردستانیان كرد بۆ ڕەخساندنی دیدارەكە و خۆشحاڵیی خۆشیان نیشاندا بە سەردانیان بۆ نیشتیمانی ڕەسەنی خۆیان كوردستان و وێڕای دەربڕینی پێزانینی خۆیان بۆ خەبات و ماندووبوونی سەرۆك بارزانی باسیان لە ڕۆڵ و كاریگەریی خەباتی بارزانیی نەمر كرد لەسەر خۆڕاگری و ئومێد بۆ كوردانی دانیشتووی وڵاتانی سۆڤییەتی پێشوو.
ههروهها شاندی فیدراسیۆنی كۆمەڵە كوردییەكانی وڵاتانی سۆڤییەتی پێشوو ئامادەیی ئەوەیشیان ڕاگەیاندوه” كە بە هەموو توانایەك پشتیوانی كوردستان و بەرژەوەندیی گەلی كوردستان دەبن و كاری بۆ دەكەن. لە بەشێكی دیكەی كۆبوونەوەكەدا شاندی میوان ستاییشی قارەمانێتی و گیانفیدایی هێزی پێشمەرگەیان كرد لە پاراستنی وڵات و شەڕی تیرۆریستانی داعش و سەرەخۆشییان لە سەرۆك بارزانی و كەسوكاری ئەو پێشمەرگانە كرد كە گیانی خۆیان بەخت كردووە و شەهید بوونە، ههروهها باسیان لە بارودۆخ و ژیان و گوزەرانی كوردانی وڵاتانی ئاسیای ناوەڕاست و سۆڤییەتی جاران كرد.
له بهرامبهردا (سەرۆك بارزانی) سوپاسی هەڵوێستی شاندی میوانی كرد و كوردانی دانیشتووی وڵاتانی سۆڤییەتی پێشووی بە بەشێكی ئازیزی گەلی كوردستان لە قەڵەمدا و دەستخۆشی لە كار و چالاكییەكانی فیدراسیۆنی كۆمەڵە كوردییەكانی وڵاتانی سۆڤییەتی پێشوو كرد و ڕایگەیاند پاراستنی پێناسە و ڕەسەنایەتیی نیشتیمانی و نەتەوەیی گەورەترین خەباتە كە كوردانی ئاسیای ناوەڕاست و وڵاتانی سۆڤییەتی پێشوو بە باشی ئەنجامیان داوە.
هەر لەو دیدارەدا سەرۆك بارزانی لە وتەیەكدا مێژووی گەلی كوردستان لەگەڵ دەوڵەتی عێراق و هەروەها ئیرادەی خەڵكی كوردستان بۆ ڕیفراندۆم و گەییشتن بە سەربەخۆیی بۆ ئامادەبووان شی كردەوە.