بارزانی لەگەڵ ئیبراهیم جەعفەری كۆبۆوە
خواكوڕك
مەسعود بارزانی سەرۆكی هەرێمی كوردستان ئەمرۆ پێنج شەممە، 13ی 4ی 2017 پێشوازی كرد له ئیبراهیم جه‌عفه‌ری وه‌زیری ده‌ره‌وه و سه‌ركرده‌ی باڵای هاوپه‌یمانیی نیشتیمانیی عێڕاق كرد.
له دیدارێكدا ئاماژه به هاوخه‌باتیی هه‌ردوولا دژی ڕژێمی به‌عس له ساڵانی ڕابردوودا كرا و، هه‌روه‌ها ڕۆشنایی خرایه سه‌ر ئه‌و هه‌ماهه‌نگییه سه‌ربازی و ئه‌منییه‌ی كه له نێوان هه‌رێمی كوردستان و حكوومه‌تی عێراقدا له شه‌ڕی دژی تیرۆریستانی داعش هه‌بووه. هاوكات ده‌ستخۆشی له سه‌ركه‌وتنه‌كانی هێزی پێشمه‌رگه‌ی كوردستان و هێزه‌كانی سوپای عێراق كرا.
هه‌ر له‌و دیداره‌دا بارودۆخی سیاسی و ئه‌منیی ناوچه‌كه و عێراق خرایه به‌ر باس، پێشوه‌چوونه سیاسییه‌كانی هه‌رێمی كوردستانیش ته‌وه‌رێكی دیكه‌ی ئه‌و دیداره بوو.
