دامەزراندن دەستی پێكردەوە بۆ دەرچوانی كۆلێژ
خواكوڕك
دوای وەستانی دامەزراندن لە ماوەی دوو ساڵی رابردوو وا بڕیارە وەزارەتی ناوخۆی ھەرێم خولی ئەفسەری بۆ دەرچووانی زانكۆو ئامادەییەكان بكاتەوە, ڕاوێژكارێكی سەربازیی ئەو وەزارەتەش، وردەكاریی كردنەوەی خولەكە ئاشكرادەكات و ڕاشیدەگەیەنێت: ئامانج لێی زیادكردنی میلاكی وەزارەتی ناوخۆیە.
لیوا بەختیار بابان، ڕاوێژكاری سەربازی لەوەزارەتی ناوخۆ، بە میدیایەكی یە كێتی راگەیاندووە:” سبەینێ یەكشەممە، كردنەوەی دوو خول لەھەولێر ڕادەگەیەندرێت، كە یەكەمیان بۆ دەرچووانی زانكۆیەو دووەمیشیان بۆ دەرچووانی بەشی وێژەیی ئامادەییە.
وتیشی:” ٢٠٠ خوێندكاری ئامادەیی لەكۆلێژی پۆلیسی ھەولێر وەردەگرێن و بۆماوەی سێ ساڵ خول دەبینن، ١٠٠ كەسیش لەدەرچووانی زانكۆ لەپسپۆڕییە پێویستەكان وەردەگیرێن و دوای تەواوكردنی ئەو خولانەش، پلەی ئەفسەریان پێدەدرێت”.
بەوتەی ئەو ڕاوێژكارەی وەزارەتی ناوخۆ، قۆناغی یەكەمی كردنەوەی خولەكان لەھەولێر دەبێت و دەشڵێت:” لەھەموو ھەرێمی كوردستانەوە دەچووانی ئامادەیی و كۆلێژەكان دەتوانن بەشداری بكەن”.
بەر پرسێكی دیكەی وەزارەتی پێشمەرگە لەو بارەیەوە رایگەیاندووە, خولەكان بۆ ئامادەكردنی ئەفسەرانە، بڕیارەكەش بەو جۆرەیە كە دوو خول لەھەولێرو دوو خولیش لەسلێمانی بكرێتەوە، بەڵام تا ئێستا كاتەكەی دیارینەكراوە.
وتیشی:” ئامانج لەكردنەوەی ئەو خولانە بۆ زیادكردنی میلاكاتە لەوەزارەتی ناوخۆ، چونكە كێشەی میلاكاتمان ھەیە، بۆیە خولەكان ئەو كەسانە ناگرێتەوە كە پێشتر دامەزراون، بەڵكو خوێندكاری دەرەوەی مەسلەك وەردەگیرێن”.
وتیشی:” لەدەرچوانی كۆلێژنەكان زیاتر پسپۆڕییەكانی، ئیدارە، ژمێریاری، كیمیا، فیزیا دەگرێتەوە”.
