جەبار یاوەر حكومەتی عێراق رێگرە لە كۆنتڕۆلكردنەوە حەویجە
خواكوڕك
دوای ئەوەی هێزەكانی پێشمەرگە ئامادە باشی خۆیان راگەیاند بۆ كۆنتڕۆلكرنەوەی قەزای حەویجە, ئەمینداری گشتی وەزارەتی پێشمەرگە ڕایگەیاند، حكومەتی عێراق ڕێگرە لە بەردەم ئۆپراسیۆنی كۆنترۆڵكردنەوەی حەویجە و دەركردنی داعش لە ناوچەكانی باشوری كەركوك.
جەبار یاوەر لە كۆنگرەیەكی رۆژنامەنوسیدا لە هەولێر وتیشی” لەگەڵ حكومەتی عێراق و هاوپەیمانان ڕێككەوتبوون پێش دەستپێكردنی ئۆپراسیۆنی موسڵ، ئۆپراسیۆنی حەویجە دەستپێبكات، چونكە لەبەر نزیكییەوە لە كەركوك مەترسییە بۆ سەر هەرێم”.
ئەمینداری وەزارەتی پێشمەرگە لە بەشێكی تری قسەكانیدا رونیكردەوە، عێراق رێگرە و پێشمەرگە هەموو ئامادەكارییەكی كردووە، بەڵام ئەوان بە بیانوی شەڕی موسڵ نایانەوێت شەڕی حەویجە بكەن.
