بزانە هۆشیار زێباری و رۆژنوری شاوێس و نەجمەدین كەریم باسی چیان كردووە
خواكوڕك
لە تۆڕی كۆمەڵایەتی فەیس بووك لەهەژماری تایبەتی خۆی دا هۆشیار زێباری وێنەیەكی خۆی و د. رۆژنووری شاوێس ئەندامی مەكتەبی سیاسی و د.نەجمەدین كەریم پارێزگاری كەركووك بڵاو كردۆتەوە، کە لە کۆبوونەوەکەدا ھەلومەرجەکانی ئێستا و پێشھاتەکانی داھاتوویان تاوتوێ کردووە”.
لەوێنەكەدا كە ئاماژە بە كۆبوونەوەی نێوانیان كراوە، هۆشیار زێباری بڵاوی كردۆتەوە، كە كۆبوونەوەی نێوانیان لەسەر هەڵومەرجی ناوچەكە و دۆخی ئێستا و پێشهاتەكان بووە”.
ئەمە لە کاتێکدایە کە پێشتر نەجمەدین کەریم، پارێزگاری کەرکووک ڕای گەیاندبوو، لێژنەیەک بە مەبەستی ئامادەکاری بۆ ئەنجامدانی ڕیفراندۆم بۆ سەربەخۆیی کوردستان پێکھێندراوە، ئەگەر لێژنەکە بڕیار بدات، ئەوا ڕیفراندۆم بۆ سەربەخۆیی کوردستان لە شاری کەرکووکیش ئەنجام دەدرێت.
شایانی باسە پاش كۆبوونەوەی هاوبەشی مەكتەبی سیاسی یەكێتی و پارتی بریار لە لێژنەی باڵای هێزە سیاسیەكان دراوە بۆ ئەنجامدانی ریفراندۆم لە هەرێمی كوردستان و ناوچەكانی دەرەوەی ئیدارەی هەرێمی كورستان”.
