بارزانی:قەڵادزێ هێمای خۆڕاگری و ئیرادەی بەرزی کوردایەتییە

خواكوڕك

سه‌رۆكی هه‌رێمی كوردستان لە ساڵیادی بۆدوومانكردنی شاری قەڵادزێ پەیامێك بڵاودەكاتەوە و ئەو شارە بە هێمای “خۆڕاگری و ئیرادەی بەرزی كوردایەتی” وەسفدەكات.

ئێوارەی رۆژی دووشەممە 24/4/2017 (مەسعود بارزانی) سەرۆكی هەرێمی كوردستان لە پەیجی تایبەتی خۆی لە تۆری كۆمه‌ڵایه‌تی فەیسبووك بە بۆنەی ساڵیادی بۆدوومانكردنی شاری قەڵادزة پەیامێكی بڵاوكردەوە.

ده‌قی په‌یامه‌كه‌ی سه‌رۆكی هه‌رێم:-

لە ساڵیادی بۆمبارانکردنی شاری قەڵادزێ و زانکۆی سلێمانی لە 24/4/1974دا، سڵاو بۆ گیانی پاکی شەهیدانی ئەو کارەساتە و هەموو شەهیدانی کوردستان دەنێرین.
قەڵادزێ هێمای خۆڕاگری و ئیرادەی بەرزی کوردایەتییە، دوژمن ویستی بە بۆردومانکردن و دواتر وێرانکردنی قەڵادزێ و راگواستنی خەڵکەکەی، ئیرادەی خەڵکی قەڵادزێ بشکێنێت و ژیان و شۆڕشگێڕیی لەو دەڤەرەدا نەهێڵێت، بەڵام خەڵکی قەڵادزێ بە ژیان و ئاوەدانکردنەوە بەرەو رووی دوژمن بوونەوەو، ئیرادەی ژیاندۆستی و ئاوەدانی بەسەر کاولکاریدا سەرکەوت. سڵاو لە خۆڕاگری و قارەمانێتی خەڵکی سەربەرزی قەڵادزێ.