ئه‌مڕۆ چاره‌نوسی به‌رپرسێكی باڵای كورد له په‌رله‌مانی عێراق یه‌كلاده‌بێته‌وه
خواكوڕك
وا بڕیاره ئه‌مڕۆ سی شه‌ممه 25/4/2017 په‌رله‌مانی عێراق كۆببێته‌وه، له كۆبونه‌وه‌كه‌شدا چاره‌نووسی سه‌رۆكی كۆمسیۆنی بالایس ه‌ربه‌خۆی هه‌ڵبژاردنه‌كان كه كورده یه‌كلا بكرێته‌وه.
به پێی زانیارییه‌كانی (خواكوڕك) ئه‌مڕۆ په‌رله‌مانی عێراق كۆده‌بێته‌وه، له كۆبونه‌وه‌كه بڕیار ده‌درێت له سه‌ر چاره‌نوسی سه‌رۆكی كۆمسیۆنی باڵای سه‌ربه‌خۆی هه‌ڵبژاردنه‌كان له عێراق كه كورده.
بەپێی زانیارییەكانیش لە كۆبونەوەكەدا سەرۆكی كۆمسیۆنی باڵای سەربەخۆی هەڵبژاردنەكانی عێراق وەڵامی پرسیارەكانی پەرلەمانتاران دەداتەوە كە لە هەفتەی رابردودا بانگهێشتی پەرلەمان كرابوو لەسەر چەند دۆسیەیەك لێپرسینەوەی لەگەڵدا كرابوو، له كۆی 17 پرسیاریش هه‌ر هه‌مووی به بێ كێشه وه‌ڵام داوه‌ته‌وه، به‌ڵام ئه‌مڕۆ بریاری كۆتایی له‌سه‌ر چاره‌نووسی ده‌درێت له پۆسته‌كه‌ی.
