یەكێتی خاوەنی راستەقینەی شنگال هەرێمی كوردستانە
![](https://xwakurk.com/wp-content/uploads/2016/12/puk.jpg)
خواكوڕك
ئەمرۆ سێشەممە مەكتەبی سیاسی یەكێتی نیشتمانی كوردستان راگەیاندراوێكی لەبارەی هێرشی فرۆكەكانی توركیا بۆ سەر شنگال بڵاو كردەوە لە راگەیاندراوەكەی دا رایگەیاندووە، خاوەنی ڕاستەقینەی شنگال، حکوومەتی هەرێمی کوردستان و باشترین چارەسەریش بۆ دۆخی شارەکە، پێکهێنانی پارێزگایەکی نوێیە لە ناوچەکە”.
هەر لە راگەیاندراوەكە دا هاتووە كەوێنەیەكی دەستی خواكوڕك كەوتووە، مەکتەبی سیاسیی یەکێتیی نیشتمانیی کوردستان ڕای گەیاندووە، بەرەبەیانی ئەمڕۆ سێشەممە 25/4/2017، فڕۆکە جەنگییەکانی تورکیا، بۆردومانی پێشمەرگە و پەکەکەیان کردووە کە لە ڕاگەیاندراوەکەدا وەک پەکەکە ناویان نەهێناون هەروەها یەکێتی وێڕای سەرکۆنەکردنی هێرشە ئاسمانییەکە، جەختی لەوە کردووەتەوە کە ڕێگەی شەڕ دوو سەدەیە لە ناوچەکەدا دژی نەتەوەی کورد تاقی کراوەتەوە و ”هەر بێهودەیە“. بۆیە تاقە چارەسەر، دانوستاندنی ڕاستەقینەی دابینکردنی مافە دیموکراسییەکانە، وەک یەکێتی دەڵێت.
مەکتەبی سیاسیی یەکێتی دووپاتی کردووەتەوە: ”کێشەی شەنگال، ھەر بە گفتوگۆ دەبێت، بەپێی ڕێسا و یاسای حکوومەتی ھەرێمی کوردستان و بەغدا چارەسەر بکرێ. خاوەنی راستەقینەی شەنگالیش، خەڵکی شەنگال و حکوومەتی ھەرێمی کوردستانە. باشترین چارەسەریش، پێکھێنانی پارێزگایەکی نوێیە بۆ ناوچەکە. ھەتا زووشە، چارەسەری دۆستانە بدۆزرێتەوە باشترە، ئەگینا ڕووداوی کارەساتبارتر و چاوەڕواننەکراوتر، ڕوودەدەن“.