به‌رشه‌لۆنه یاری هه‌یه و یاریه‌كه‌ش به‌رامبه‌ر یانه‌یه‌كی برینداره
خواكوڕك
بریارە ئەمرۆ چوار شه‌ممه لەیارییەكانی گەڕی (34)ی خولی یانەكانی ئیسپانیا هەردوو یانەی (بەرشلۆنە و ئۆساسۆنا) رووبەرووی یەكترببنەوە، كه زۆربه‌ی چاودێران پێیان وایه یاریه‌كه بۆ به‌رشه‌لۆنه ئاسان نابێت.
یارییەكەی نێوان هه‌ردوو یانه كاتژمێر (8:30) شەو بەكاتی هەولێر لەیاریگای (كامپ نو) لەشاری بەرشلۆنە بەرێوەدەچێت، بەرشلۆنە بە بردنەوەی لە یانەی ریال مەدرید بەجیاوازی گۆڵ پێشەنگی خولی ئیسپانیای وەرگرت بەڵام یارییەكی زیاتر ئەنجامداوە له یانه‌كه‌ی پایته‌خت،هەرچی ئۆساسۆنایە لەخراپترین دۆخی خۆیدایە و بە كۆكردنەوەی (18) خاڵ لەدواین یانەی ریزبەندی دەبینرێت و ئەگەرێكی زۆر هەیە دابەزێتە ریزی یانە پلە دووەكانی ئیسپانیا، بۆیه به هه‌موو شیوه‌یه‌ك هه‌وڵی بردنه‌وه ده‌دات كه ئه‌مه‌ش كاریكی زه‌حمه‌ته.
لەم یارییەدا بەشێوەیەكی فەرمی (نیمار داسیلڤا) بەشداری ناكات ئەویش بەهۆی ئەو سزایەی بۆ ماوەی سێ یاری بەسەریدا سەپێنراوە و لەدوای یارییەكە سزاكە كۆتایی پێدێت.
