دواین زانیاری لەبارەی كۆبوونەوەی نێچیرڤان بارزانی و رەجەب تەیب ئەردۆگان
خواكوڕك
ئێوارەی ئەمرۆ هەینی 28ی 4ی 2017 لە پەراوێزی بەشداری كردنی لە لووتكەی 2017ی ئیستانبۆڵی ئەنجوومەنی ئەتلەنتیك دا هەر یەكە لەسەرۆكوەزیرانی كوردستان و سەرۆككۆماری توركیا كۆبوونەوە، لەكۆبوونەوەكەدا نێچیرڤان بارزانی نیگەرانی خۆی لەمەڕ هێرشی فرۆكەكانی توركیا بۆ سەر شنگال بە ئەدرگانی گەیاندووە، لەبەرامبەریشدا ئەردۆگان دڵگرانی خۆی لەمەڕ شەهید بوونی پێشمەرگە راگەیاندووە”.
بەگوێرەی زانیاریەكانی دەستی خواكوڕك كەوتووە، كۆبوونەوەی نێچیرڤان بارزانی و رەجەب تەیب ئەردۆگان، 45 دەقەی بوو و لە كۆبوونەوەكەدا بەفرەوانی باسی دۆخی ناوچەكە و پەیوەندی ئابووری هەولێر و ئەنقەرە و بوونی هێزەكانی پەكەكە لەشنگال و دڵگرانی هەولێر لەبەرامبەر بۆردوومانی فرۆكەكانی توركیا بۆ سەر شنگال”.
هەر بەگوێرەی زانیاریەكان، لەبارەی بوونی پرۆسەی ئاشتی و دۆخی هاوسەرۆكان و ئەندام پەرلەمانتارانی هەدەپە، لە زیندانەكان تەوەرێكی تری گفتوگۆكردن بووە لەنێوان نێچیرڤان بارزانی و رەجەب تەیب ئەردۆگان”.
