ویستوویانه هێرش بكه‌نه سه‌ر مزگه‌وتی پێغه‌مبه‌ری ئیسلام
خواكوڕك
ئاژانسی هه‌واڵی سعودیه رایگه‌یاندووه گروپێكی چه‌كدار ویستوویانه هێرش بكه‌نه سه‌ر مزگه‌وتی پێغه‌مبه‌ری ئیسلام به‌ڵام له‌لایان هێزه ئه‌منیه‌كانه‌وه ده‌ستگیر كراون”.
ئاژانسی هه‌واڵی واسی سعودی رایگه‌یاندووه، وەزارەتی ناوخۆی ئەو وڵاتە 46 کەسی دەستگیر کردووە، کە 32 کەسیان هاووڵاتیی سعودیەن و 14شیان هاووڵاتیی پاکستان، یەمەن، ئەفغانستان، میسر، ئوردن و سوودانن و ئەندامی شانە تیرۆریستییەکەن، ئەو شانە تیرۆریستییە فەرمانی لە سەرکردەکانی رێکخراوی تیرۆریستی داعش وەردەگرت و بە نیازبوون لەرێی خۆکوژێکەوە مزگەوت و مەزاری محەمەدی کوڕی عەبدوڵڵای پێغەمبەری ئیسلام بکەنە ئامانج.
هەروەک وەزارەتی ناوخۆی سعودیە رایگەیاندووە، ئەو کەسە توندڕەوانە چەندین جۆر چەک و تەقەمەنییان پێگیراوە و پلانی کردەی تیرۆریستیی فراوانیان لە وڵاتەکە دانابوو.رۆژی 4.7.2016، خۆکوژێک هەوڵید ا خۆی بگەیەنێت ناو مزگەوتی پێغەمبەر و لە کاتی پشکنینیدا لەلایەن پۆلیسەوە، خۆی تەقاندەوە، کە بووە هۆی گیان لەدەستدانی چوار پۆلیسی سعودی.
