ئه‌مڕۆ گه‌وره‌ترین چالاكی له‌سه‌ر ئاستی رۆژهه‌ڵاتی ناوه‌ڕاست له هه‌ولێر ئه‌نجامده‌درێت بزانه چیه؟
خواكوڕك
ئه‌مڕۆ له شاری هه‌ولێر گه‌وره‌ترین پێشانگای نێوده‌وڵه‌تی له‌سه‌ر ئاستی رۆژهه‌ڵاتی ناوه‌ڕاست له هه‌ولێری پایته‌خت ده‌كرێته‌وه، گوته‌بێژی ده‌سته‌ی گه‌شتوگوزاریش رایده‌گه‌ێنێت”بۆ یەکەم جارە پێشانگای ھاوشێوە لە ھەرێم و عێراقدا بکرێتەوە و دەبێتە ئەگەری بەرەوپێشبردنی کەرتی گەشتیاری.
(نادر ڕۆستی)، گۆتەبێژی دەستەی گشتیی گەشتوگوزار رایگه‌یاندوه”ئه‌مڕۆ پێنج شه‌ممه 4/5/2017 له شاری هه‌ولێر گەورەترین پێشانگای نێودەوڵەتی بە ناوی پێشانگای ڕۆژھەڵاتی ناوەڕاست بۆ گەشتوگوزار ده‌كرێته‌وه، زیاتر لە ٢٠٠ کۆمپانیا لە ١٦ وڵاتی جیھانەوە بەشداری لە پێشانگاکەدا دەکەن و بۆ ماوەی سێ ڕۆژ بەردەوام دەبێت، جگە لە کردنەوەی پێشانگا، کە یەکەمجارە لەسەر ئاستی عێراق و ھەرێمی کوردستان دەکرێتەوە، چەندین دیدار و چالاکی بەڕێوەدەچن، کە تایبەتن بە کەرتی گەشتیاری و کەلتوور.”
گوته‌بێژی گه‌شت و گوزاریش ئاماژه‌ی به‌وه كردووه”گرنگیی کردنەوەی ئەو پێشانگایە لەوەدایە دەمانەوێت لەو ڕێگەیەوە گەشتیار و کۆمپانیای بیانی بۆ ھەرێمی کوردستان ڕاکێشین و ساڵانە کردنەوەی پێشانگاکە بەردەوام بێت، ھەروەسا دەمانەوێت لەو ڕێگەیەوە کۆمپانیا جیھانیەکان بەرھەمی خۆیان لە ھەرێمی کوردستان پێشان بدەن و ببنە ھۆکارێک بۆ بەرەوپێشبردنی کەرتی گەشتیاری.”
