سەعدی پیرە: خێرە ئەو هەموو پەرۆشییە بۆ یەکێتی خاکی عێراق بە قودرەتی قادر دروست بووە
خواكوڕك
ئەندامی سەركردایەتی یەكێتی سەعد ئەحمەد پیرە رایدەگەێنێت، رەنگە رای جیاواز هەبوو بێت لەسەر ئەوەی کاتیەتی یان کاتی نییە، بەڵام ئەو پرسە شتێکی تازە نییە ئەنجوومەنی پارێزگای کەرکووک دایهێنابێت، لەوپەڕی خانەقینەوە تاوەکو کۆتایی شنگال ئاڵا کوردستان هەڵکراوە، خێرە ئەو هەموو پەرۆشییە بۆ یەکێتی خاکی عێراق بە قودرەتی قادر لە ئەنقەرە و تاران پەیدا بووە”.
سەعد ئەحمەد پیرە ئەندامی مەكتەبی سیاسی یەكێتی لە گوتارێكی دا كە لە كۆنگرەی نۆیەمی حزبی زەحمەتكێشان پێشكەشی كرد، دەلێت توانای بەرگەگرتنی قسەی حەقیان نییە، کە کورد مافی چارەی خۆنووسینی و ئاڵاشی هەیە”. دەشڵێت لەڕووی یاسا نێودەوڵەتییەکانەوە بۆ ریفراندۆم پێویست ناک پرس بە کەس بکرێت، هەروەها دەلێت، هەرێمی کوردستان کە لە بەغدایە، وەک حیزب لە بەغدا نییە، بەڵکو نەتەوەی کورد لە بەغدایە، ناکرێت لە بەغدا لەگەڵ هەرێمی کوردستان بە زۆرینەی نیشتمانی مامەڵە بکرێت، بەڵکو پێویستە بە تەوافوقی نیشتمانی مامەڵە بکرێت.
ئەندامەکەی مەکتەبی سیاسی یەکێتی هەروەها دەشلێت، بۆ ریفراندۆم لەڕووی یاسا نێودەوڵەتییەکانەوە پێویست ناکات پرس بە کەس بکرێت. دەشڵێت “ئەو کێشانەی هەمانە کێشەی یاسایی نین، بەڵکو کێشەی سیاسین، کێشەی وڵاتانی دەوروبەر و ئەو ژینگەیەیە کە ئێمەی تێدا دەژین، بۆیە پێویست بەوە دەکات سەرنجێک بدەین بە برایانمان لە بەغدا، بە هێزە سوننیەکان و هێزە شیعییەکان و پێیان بڵێین، ئێمە لە دروستبوونی دەوڵەتی عێراقەوە لە ساڵی 1921 تاوەکو ئەمڕۆ هەستمان بە مافی هاووڵاتییەکی یەکسان نەکردووە ئەوەشی گووت “ئەمە جارێکی دیکە تاقیکردنەوەیەکی قورس بوو بۆ بەغدا کە بەرگەی قسەی حەق ناگرن، کە کورد مافی چارەی خۆنووسینی هەیە و کوردیش ئاڵای هەیە”.
