یەكگرتووی ئیسلامی وەڵامی دەداتەوە و دەلێت لەسێدارەدانی بكوژی مەلا وشیار بەشیاو ئەزانین
![](https://xwakurk.com/wp-content/uploads/2016/12/324355452354.jpg)
خواكوڕك
لە بەیاننامەیەكدا مەڵبەندی دووی یەكگرتووی ئیسلامی كوردستان لەسەر بڕیاری دادگای هەولێر, بریارەی لەسێدارەدانی تاوانبارانی بكوژی مامۆستا وشیار ئیسماعیل دەلێت سزاكە بە شایستە دەزانێت و داواش دەكات هەرچی زووە سزاكە جێبەجێ بكرێت و هەروەها دەلێت ئێمە لە مەڵبەندی دووی هەولێری یەكگرتووی ئیسلامی كوردستان هەمیشە لەگەڵ سەروەری یاسابووین بۆ بە سزا گەیاندنی هەر كەسێك ،كاتێك تاوان ئەنجام ئەدات و تاوانبار، خۆی تاوانەكە لە ئەستۆ دەگرێت، بۆیە بریاری سزای لە سێدارەدانی بۆ بكوژانی شەهید د. وشیار ئیسماعیل ئێمە بە شایستەی دەزانین لە ئاست گەورەیی ئەو تاوانەی دەرهەق بە كەسایەتی بانگخواز و شەهید دەستی تیرۆر د.وشیار ئیسماعیل ئەنجامیاندا و بە زووترین كاتیش داوا دەكەین سزاكە جێبەجێ بكرێت.
لە بەیاننامەكەی مەڵبەندی هەولێری یەكگرتوو دا هاتووە، لێرەدا ئەوەش دووپات دەكەینەوە دەستەبەری سەروەری یاسا و جێبەجێكردنی لەسەر تاوانباران، زەمانەتی گێرانەوەی مافی ستەم لێكراوانە و گەڕانەوەی سەقامگیری و پێكەوە ژیانی ئێستا و ئایندەی لایەنە و پێكهاتەكانی خەڵكی كوردستانە.
مەڵبەندی هەولێری یەكگرتوو دەشڵێت: ئێمە بەڵێن ئەدەین هەڵگری هەمان پەیامی شەهید د.وشیار ئیسماعیل بین لە خزمەتكردنی خەڵكی كوردستان ، لە بانگخوازی خواویستی و میانرەویی و چاكسازی و پاراستنی خاك و نیشتمانی كوردستان. لەهەمانكاتیش سوپاس و پێزانینمان بۆ دادگا و دادوەرەكان و هێزەكانی ئاسایش و لێژنەی بەدواداچوونی كەیسی شەهید د.وشیار ئیسماعیل لە ناو یەكگرتوو و پارێزەر و سەرجەم هەقویستان و دڵسۆزانی خەڵكی كوردستان هەیە”.
شایانی باسە پێشتر چەندین میدیا بۆ جارێكی تر گومانیان خستە سەر بەرێوە چوونی پرۆسەی دادگایی كردنی تاوانبارانی بكوژی مامۆستا وشیار و هەوڵیاندا بریارەكەی دادگا بشێوێنن، بۆ مەرامی حزبی و سیاسی كە پێشتر هەر ئەو میدیایانە بوون، هەوڵیاندا تاوانەكە بخەنە سەر پارتی دیموكراتی كوردستان و چاودێرانی یاسایش پێیان وایە ئەو میدیایانە، كە بەدیاری كراوە لەسنوری ناوچەی سلێمانی دان و سەر بە سێ پارتی سیاسین، لەو كێسەدا خۆیان پێشاندا لەوەی كە دژی هەموو شتێكن و بانگێشەكانیشیان جگە لە درۆ كردن و گەوجاندنی خەڵك هیچی تر نیە و دەلێت بەردەوامیش داوای سەروەری یاسا دەكەن، بەڵام بەپێچەوانەوە ئەو جۆڕە میدیایانە جگە لەدژایەتی مرۆڤایەتی و سەروەری یاسا و هەموو شتێك هیچی تر نین، رۆژانە دەتوانی هەست بەو بێ ویژدانیەتە بكەی”.