لە مانگی8ی ئەمساڵ بزانە چۆن مووچە دابەشدەكرێت
![](https://xwakurk.com/wp-content/uploads/2017/05/25354354656356.jpg)
خواكوڕك
سەفین غەفوور بەرێوەبەری جێبەجێكاری پرۆژەی بایۆمەتری ئاشكرا كردووە كە لێژنەی پرۆژەكە بایۆمەتری بریاری داوە لە مانگی6ی ئەمساڵ دیوانی وەزارەتی پێشمەرگە بەشێوازی بایۆمەتری مووچەكانیان دابەش دەكرێـت و دەلێت”هەر كەسێك، لەناو دیوانی وەزارەتی پێشمەرگە خۆی تۆمار نەكردبێت، مووچەكەی لە مانگی داهاتووەوە رادەگیرێت”.
هەروەها ئەو بەرپرسە لێژنەی بایۆمەتری دەلێت لە مانگی شەش دیوانی وەزارەتی پێشمەرگە وەك تاقیكردنەوەیەك دەستپێدەكەین و دەلێت لە مانگی هەشتیشدا مووچەی سەرجەم وەزارەتەكان لەسەر بنەمای پرۆژەی تۆماری بایۆمەتر دابەش دەكرێت و گوتیشی “جگە لەو فەرمانبەرانەی مۆڵەتیان بە ساڵ وەرگرتووە، یاخود ئەوانەی بۆ خوێندن مۆڵەتیان وەرگرتووە و لە دەرەوەی هەرێمی كوردستانن، هەر مووچەخۆرێك ناوی لە بایۆمەتریدا تۆمارنەكردبێت، لە مانگی هەشتدا مووچەی پێنادرێت”.
شایانی باسە، بۆ نەمانی دوو مووچەیی و پاکكردنەوەی لیستی مووچەخۆرانی حكومی لە كەموكوڕی، حكومەتی هەرێمی كوردستان لە 10-10-2016 بڕیاریدا لیستی مووچەخۆرانی حكومی بكاتە ئەلیكترۆنی. ئێستا تۆماركردنی ناوی موچەخۆرانی مەدەنی تەواو بووە و 80% لەهێزە ئەمنییەكانیش ناوی خۆیان تۆمار كردووە، بڕیارە 15-5-2017 دوا وادەبێت بۆ تۆماركردنی مووچەخۆرانی كەرتی سەربازی، سەرجەمی هەموو ئەوانەش كە ناویان تۆمار كردووە بە كەرتی سەربازی و مەدەنییەوە، تاوەكو ئێستا گەیشتووەتە زیاتر لە یەک ملیۆن و 155 هەزار كەس”.