هێرش و پەلاماردانی مەزهەری خالقی و عەدنان کەریم بۆ؟
چاودێرێك
لەماوەی چەند ڕۆژی ڕابردوو لە رێگەی میدیاکانی سلێمانی، ئەومیدییانەی ناویان لە خۆیان ناوە ئەهلی و ئازد و سەربەخۆ کەسێبەری یەکێتی و گۆڕانن، بەتوندی هێرش و پەلاماری هەردوو هونەرمەند(مەزهەری خالقی و عەدنان کەریم )یاندا، تەنها لەبەر ئەوەی هونەرمەند (مەزهەری خالقی) سەردانی (سەرۆک بارزانی) کردووەو هونەرمەند (عەدنان کەریم)یش لەهەولێر کۆنسێرتی سازداوەو لەلایەن پەرلەمانی کوردستان خەلاتکراوە. ئەو دوو هونەرمەندە، دوو هونەرمەندی گەورەی کوردن و بۆیان هەیە سنووری وڵاتان ببڕن، نەک سنوری شارێک و سنورێکی سیاسیان لێ قەدەغەبکرێت.
هەڵگرتنی پارێزبەندی هونەری لەسەر هەونەرمەندان (مەزهەری خالقی و عەدنان کەریم)و هێرش و پەلاماردانیان بەوشێوەیەو نەهێڵانەوەی هیچ بەهایەک بۆیان، کردەوەیەکی تیرۆرستیانەیە دەرهەق بەو دوو هونەرمەندە کرا، ئەو هێرش وپەلاماردانەی گۆڕان و یەکێتیش لەسەر مەقیفی سیاسی نیشانەی ئەوەیە لەلای ئەولایانەنانە یەکلابۆتەوە ئەوەی سڵاوێک لە پارتی بکات دەبێت دابشۆردرێ، ئەوەی سەردانێک بۆلای جەنابی سەرۆکی هەرێم و هەولێربکات ناسنامەی هونەری لێبسنرێتەوە، ئەوەش ئەوە دەگەێنێ هەموو ئەوانەی ناویان لەخۆیان ناوە میدیای ئازاد و ئەهلی و بێ لایەن لە سلێمانی لەڕاستیدا خەڵکانی تیرۆرستن.
بۆیە دەبێت ئەو بابەتە بەهەند وەربگیرێت، بۆئەوەی هونەریش ببوژێتەوە دەبێت ئەو واتایەی کە هونەر سنوور ناناسێت بچەسپێت و ڕەفتاری تیرۆرستانەی ئەوانەیش شەرمەزاربکرێ و ڕێز لە هونەرمەندان بگیریێت، ئەودابەزینە تیرۆرستانەی دەزگاکانی ڕاگەیاندنی سلێمانیش کە پێیان وایە سلێمانی تەنها هی ئەوان و موڵکی ئەوانەو هەرچی لەو شارە چووە دەرەوە یان لەوشارە نەبوو ئەوا دوژمنی ئەوانە، ڕۆژێک دێت سلێمانی ئەو دەنگە نەشازو داخ لەدڵانە کپ دەکاتەوەو لەکۆتاییدا جگە لە شەرمەزاری هیچی تریان بۆنامێنیتەوە.
